Ниңшяниң аптобус көйдүрүш һуҗуминиң өч елиш вәқәси икәнлики мәлум

Мухбиримиз җүмә
2016-01-06
Share

Хәвәрләргә қариғанда, 5-январ ниңшяниң йиңчүән шәһиридә йүз бәргән аптобус көйдүрүш һуҗуминиң алдин пиланланға өч елиш вәқәси икәнлики мәлум.

Сәйшәнбә күндики мәзкур вәқәдә аз дегәндә 17 адәм қаза қилған болуп, хитай сақчилири гумандар ма йоңпиңни вәқә йүз бәргән күни қолға алған иди.

Фирансийә агентлиқиниң хәвәр қилишичә, гумандар илгири иҗтимаий таратқуларға йоллиған язмилирида төлийәлмигән қәрзлири түпәйли ичи пушидиғанлиқини баян қилған. Униң достлири ма йоңпиңниң бир зораванлиқ вәқәси пиланлиғанлиқини сөзләп йүргәнликини билдүрүшкән икән.

Хәвәргә қариғанда, ма әсли японийәдә оқуған вә бир қурулуш программисини һөддигә елип 300 миң йүән қәрзгә боғулуп қалған. Бу учурлар дәсләптә «сина» ториға чапланған, әмма чаршәнбә күни чиқириветилгән.

Хәвәрдә «бейҗиң яшлири гезити» дин нәқил елип хәвәр қилишичә, ма ялланған ширкәт униңға тегишлик пулини беришни рәт қилған. У һуҗум йүз бәргән күни « үндидар» ға учур йоллап «бир адәмниң әң әқәллий һоқуқлириму капаләткә игә қилинмиған шараитта, у, бу һоқуқлири үчүн күрәш қилишқа һәқлиқ» дәп язған икән.

Хәвәрдә көрситишичә йәнә, ма йоңпиң сақчиларға өзиниң алди билән икки туң бензин сетивалғанлиқи, андин бензинни аптобусқа елип чиқип, чақмақ билән от яққанлиқини иқрар қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.