Ningshyaning aptobus köydürüsh hujumining öch élish weqesi ikenliki melum

Muxbirimiz jüme
2016-01-06
Share

Xewerlerge qarighanda, 5-yanwar ningshyaning yingchüen shehiride yüz bergen aptobus köydürüsh hujumining aldin pilanlan'gha öch élish weqesi ikenliki melum.

Seyshenbe kündiki mezkur weqede az dégende 17 adem qaza qilghan bolup, xitay saqchiliri gumandar ma yongpingni weqe yüz bergen küni qolgha alghan idi.

Firansiye agéntliqining xewer qilishiche, gumandar ilgiri ijtima'iy taratqulargha yollighan yazmilirida töliyelmigen qerzliri tüpeyli ichi pushidighanliqini bayan qilghan. Uning dostliri ma yongpingning bir zorawanliq weqesi pilanlighanliqini sözlep yürgenlikini bildürüshken iken.

Xewerge qarighanda, ma esli yaponiyede oqughan we bir qurulush programmisini höddige élip 300 ming yüen qerzge boghulup qalghan. Bu uchurlar deslepte "Sina" torigha chaplan'ghan, emma charshenbe küni chiqiriwétilgen.

Xewerde "Béyjing yashliri géziti" din neqil élip xewer qilishiche, ma yallan'ghan shirket uninggha tégishlik pulini bérishni ret qilghan. U hujum yüz bergen küni " Ündidar" gha uchur yollap "Bir ademning eng eqelliy hoquqlirimu kapaletke ige qilinmighan shara'itta, u, bu hoquqliri üchün küresh qilishqa heqliq" dep yazghan iken.

Xewerde körsitishiche yene, ma yongping saqchilargha özining aldi bilen ikki tung bénzin sétiwalghanliqi, andin bénzinni aptobusqa élip chiqip, chaqmaq bilen ot yaqqanliqini iqrar qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet