Kishilik hoquqni közitish teshkilati xitayning qanun nami astida intérnéttiki öktichi pikirlerni basturuwatqanliqini tenqid qildi

Muxbirimiz irade
2016-12-13
Share

Kishilik hoquqni közitish teshkilatining xitay ishliri diréktori sofi richardson mexsus bayanat élan qilip, xitay hökümitining intérnét we uchurni qanun nami astida qamal qilishqa urunuwatqanliqini tenqid qildi.

Sofi xanim bayanatida, xitay hökümitining memliket miqyasi boyiche tor betlerge öz ismi bilen tizimlitishni ishqa ashurush bilen teng, tor bet we téléfon ep shirketlirinimu qollan'ghuchining uchurini, torgha yollighan mezmunini saqlashqa we uni qerellik mezgilde döletke doklat qilip turushini shert qilidighan türlük tedbir-nizamlarni békitkenlikini, buni az dep yene mexsus "Tor bixeterliki qanuni" ni maqullighanliqini bayan qilip: "Intérnét alliqachan shundaq qattiq bashquruluwatqan yerde bundaq bir qanunni maqullashning néme hajiti bar idi. Démek xitay hökümiti özining pikir-uchur erkinlikige qiliwatqan basturushini qanuniy asasqa ige qilish arqiliq üstini yapmaqchi" dégen.

Bayanatta yene, xitay kommunistlar partiyisining deslepki yillardin tartipla öktichilikning herqandaq bir bésharitidin xewerdar bolush üchün, partiye ezalirini bir-birige qaranchuq qilip qoyghanliqi, kéyin medeniyet inqilabi mezgilige kelgende bu wezipining oqutquchi-oqughuchilar ara hetta er-xotun we perzentlergiche kéngeytilgenliki, bügünki künde bolsa intérnét tor betlirini teqib qilish arqiliq ishqa ashuruwatqanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet