Amérika kéngesh palata ezasi tod yong béyjing qishliq olimpikini bayqut qilishni qollaydighanliqini bildürgen

Muxbirimiz erkin
2021-04-30
Share

Amérika kéngesh palatasining jumhuriyetchiler partiyesidin bolghan kéngesh palata ezasi tod yong xitayning Uyghurlarning kishilik hoquqini depsende qilghanliqi seweblik 2022-yilidiki béyjing qishliq olimpikini "Diplomatik bayqut" qilishni qollaydighanliqini bildürgen.

Tod yongning éytishiche, xitaydiki Uyghurlarni öz ichige alghan kishilik hoquq depsendichiliki uninggha oxshash hökümet emeldarlirining béyjing olimpik musabiqisigha qatnashmasliqini telep qilidiken. Tod yong bu sözlerni 29-april "Washin'gton pochtisi" gézitige qilghan.

"Washin'gton pochtisi" gézitining bildürüshiche, tod yong "Bu bizning Uyghur musulmanlirini mejburiy emgekke salidighan qulluq shara'itini qet'‍iy qobul qilmaydighanliqimiz, yirginidighanliqimiz we eyibleydighanliqimizning signali. Biz ular ‍ishtirak qiliwatqan ‍öltürüsh we mejburiy bala chüshürishni eyipleymiz," digen.

Tod yong bu sözlarni gherb elliride xitayning Uyghurlargha "Irqiy qirghinchiliq" yürgüzüshi seweblik béyjing qishliq olimpik musabiqisini bayqut-qilmasliq munazire qozghalghan, biraq amérika hökümiti özining bu jehette téxi axirqi bir qarargha kelmigenlikini élan qilghan mezgilde qilghan.

Nöwette kishilik hoquq teshkilatliri béyjing qishliq olimpik musabiqisida höddigerlikni üstige alghan xelq'ara shirketlerge höddi'egerliktin chékinish toghrisida qattiq bésim ishletmekte. Biraq xitay hökümiti ‍eger amérika béyjing qishliq olimpik musabiqisini bayqut qilsa, uninggha qattiq inkas qayturidighanliqi heqqide tehdit sélip keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet