Amérikadin kéyin en'gliye, awstraliye, kanadamu béyjing qishliq olimpikini bayqut qildi

Amérikaning baydén hökümiti 6-dékabir xitayning Uyghurlargha “Irqiy qirghinchiliq” qilishi seweblik béyjing qishliq olimpikini diplomatik bayqut qilidighanliqini élan qilghan kéyin, en'gliye, kanada we awstraliyemu bu sepke qoshuldi. En'gliye bash ministiri boris jonsonning éytishiche, en'gliye hökümiti qishliq olimpikni bayqut qilip, uninggha héchqandaq hökümet emeldari ewetmeydiken. U bu sözlerni 8-dékabir en'gliye awam palatasining yighinida parlamént ezalirining bu heqtiki so'aligha jawaben éytqan.

Boris jonsonning bildürüshiche, u ilgiri xitay rehbiri shi jinping bilen sözleshkende uninggha en'gliyening qishliq olimpikni bayqut qilidighanliqi, uninggha hökümet emeldarlirining qatnashmaydighanliqini bildürgen. U: “Men axirqi qétim shi jinping bilen sözleshkende éytqinimdek hökümet bu mesilini otturigha qoyushta ikkilenmidi. Men uninggha béyjing qishliq ‍olimpikining ünümlük shekilde diplomatik bayqut qilinishi mumkinliki, uninggha héchbir ministirning qatnashmaydighanliqini éyttim” dégen.

‍Oxshash bir waqitta yene awstraliye bilen kanadamu xitayning kishilik hoquq depsendichiliki tüpeyli béyjing qishliq olimpikigha hökümet emeldari ewetmeydighanliqini bildürgen. Awstraliye taratqulirining xewer qilishiche, awstraliye bash ministir skot morison 8-dékabir muxbirlargha awstraliye tenheriketchilirining musabiqige qatnishidighanliqi, emma hökümet emeldarliri we siyasiyonlarning qatnashmaydighanliqini delilligen.

U ؛ “Xitay hökümitining awstraliye izchil ottura qoyup kelgen shinjangdiki kishilik hoquq depsendichiliki qatarliq mesililerni muzakire qilishqa ‍özini hazirlimighanliqi” ni éytqan. Roytérs agéntliqining bildürüshiche, shu küni yene kanada bash ministiri jastin trudé'o xitayning uzundin béri gherbning xitaydiki kishilik hoquqqa bolghan endishiliridin xewerdar ikenlikini bildürüp, “(Shunga) bizning diplomatik wekil ewetmeslikni qarar qilishimiz heyran qalarliq ish bolmasliqi kérek” dégen.