Béyjing qishliq olimpik musabiqisini toluq bayqut qilish chaqiriqi otturigha qoyuldi

Muxbirimiz eziz
2021-08-10
Share

Nöwette bir qisim pa'aliyetchiler "Xitay hökümitini 2008-yilidiki yazliq olimpik musabiqisining sahibxaniliqigha tallash bir qétimliq xataliq bolghan" dewatqan bolup, buninggha mas halda 2022-yilidiki béyjing qishliq olimpik musabiqisini toluq bayqut qilish chaqiriqlirimu otturigha chiqmaqta.

"Washin'gton pochtisi" gézitining 9-awghusttiki obzor maqaliside éytili'ishche, 21-esirde jaza lagéri quruwatqan hemde teywen we awstraliyege tehdit séliwatqan xitayning yene bir qétim olimpik musabiqisi ötküzüshige hergizmu yol qoyushqa bolmaydiken. Aptor salliy jénkins maqaliside eyni waqitta dunya jama'itining "Xitay bay bolsa erkinlikke yüzlinidu" dégen qarash bilen xitaygha türlük pursetlerni, jümlidin 2008-yilidiki olimpik musabiqisining sahibxaniliqini teqdim qilghanliqini tenqidleydu. Shuningdek "Bizning emdi bu qétimqi olimpik musabiqisini <diplomatik bayqut> sheklide emes, <toluq bayqut> sheklide bayqut qilishimizning waqti yétip keldi" deydu.

Aptor maqaliside alahide eskertken bir nuqta 1936-yilidiki bérlin olimpik musabiqisining aldi-keynidiki musabiqini bayqut qilish chaqiriqliri bolghan. Uningda éytilishiche, eyni waqitta adolf gitlér olimpik musabiqisidin kéyin yehudiylargha ziyankeshlik qilishning toxtaydighanliqini jakarlighaniken. Shu waqitta amérika hökümitining bérlindiki bash konsuli jorj méssérmis "Bérlinda olimpik musabiqisi ötküzüsh natsistlarning dunyani boysundurush arzusining simwolidur. Uni jezmen bayqut qilishimiz lazim" dégen. Emma shu waqittimu "Tenterbiyede siyaset mewjut emes" dégen qarash üstünlük qazinip bayqut qilish chaqiriqliri emelge ashmighaniken.

Aptor mushu ehwallarni eslitip "Semrigen zeherlik yilanni öyge bashlighanda öy axiri shuning bolup kétidu. Béyjing olimpik musabiqisini qollash xitayning insaniyetke qarshi jinayetliri hemde shinjangdiki qirghinchiliqqa mukapat bergenlikke barawer" deydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet