Amérika Uyghur rayonini “Üsti ochuq türme” dep atap, xitaydiki diniy ziyankeshlikni eyibligen

Roytrés agéntliqining xewer qilishiche, amérika tashqiy ishlar ministirliki xelq'ara erkinlik bölümining yuqiri derijilik emeldari daniyel nadil 12-may küni xitay hökümitining aliqachan Uyghur rayonini “Üsti ochuq türme” ge aylandurghanliqini éytqan. Amérika tashqiy ishlar ministirliki yene bir doklat élan qilip, xitayning az sanliq millet étiqadchlirigha yürgüzgen diniy ziyankeshlikini eybligen.

Daniyel nadil mundaq dégen: “Xitayning atalmish kespiy terbiyelesh merkezliri arqiliq Uyghur we bashqa milletlerni tutup turushi hem nazaret qilishi mahiyettin éytqanda u rayonni ‛üsti ochuq türme‚ ge aylandurghanliqini körsitidu. Kishilerning pa'aliyiti iz qoghlap tekshürülidu, beziliri Uyghurlar köp olturaqlashqan mehellilerge bérip ularni nazaret qilidu. Kishiler bazargha barsa dukanlarda özini tizimli'itishi kérek”. U yene xitaydiki musulmanlar uchrawatqan zulumning nechche on yildin buyanqi eng yuqiri chekke yetkenlikini éytqan.

Amérika tashqiy ishlar ministirliki her yili dunyaning her qaysi jayliridiki diniy étiqad erkinliki ehwalidin doklat bérip kéliwatqan bolup, mezkur doklatta yene xitaydiki bashqa din mensupliriningmu ziyankeshlikke uchrighanliqigha a'it melumatlar bar iken.