Ақсу вә арал шәһәрлири оттура-башланғуч мәктәпләрниң "әмгәк тәрбийәси" синақ райони болған

Мухбиримиз әркин
2021-06-11
Share

Уйғур елиниң ақсу вә арал шәһәрлири хитайниң "әмгәк билән тәрбийәләш" ни уйғур илидики оттура-башланғуч мәктәпләргә кеңәйтиш пиланиниң синақ райони қилип бекитилгән.

Уйғур аптоном районлуқ партком бу йил 3-айда җайлардики алий вә оттура-башланғуч мәктәпләргә уқтуруш чүшүрүп, оқуғучиларни "әмгәк билән тәрбийәләш" ни тәләп қилған. Бу хитай хәлқарада уйғурларни қул әмгикигә селиш билән әйиблиниватқан хитай һөкүмити, әмди оқуғучиларни "әмгәк билән тәрбийәләш" намида "пахта үзүшкә саламду" дегән гуман пәйда қилған.

Чүнки, хитайниң "шинҗаң пахтиси" мәҗбурий әмгәккә четишлиқ болғанлиқи үчүн хәлқара даңлиқ ширкәтләрниң ембаргосиға учрап, райондики хитай тоқумичилиқ карханилирини қийин әһвалға чүшүрүп қойғаниди. "ақсу гезити" ниң 10-оюн хәвәр қилишичә, хитай маарип министирлиқи ақсу шәһири билән арал шәһирини "әмгәк билән тәрбийәләш" синақ райони қилип таллиған.

Ақсу шәһиридики маарип тармақлириниң хоң фамилилик бир мәсули хитай даирилириниң бу қарарини "хизмитимизниң муәййәнләштүрүлгәнлики", дәп көрситип, бу җәһәттики "алақидар механизмни мукәммәлләштүридиғанлиқи" ни билдүргән. Бирақ буниң қандақ механизм икәнликини тилға алмиған. "ақсу гезити" ниң билдүрүшичә, хитай маарип министирлиқи 96 наһийә (район вә шәһәр) ни "әмгәк билән тәрбийәләш" синақ нуқтиси қилип бекиткән болуп, ақсу билән арал шуларниң ичидә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт