Aqsu we aral sheherliri ottura-bashlan'ghuch mekteplerning "Emgek terbiyesi" sinaq rayoni bolghan

Muxbirimiz erkin
2021-06-11
Share

Uyghur élining aqsu we aral sheherliri xitayning "Emgek bilen terbiyelesh" ni Uyghur ilidiki ottura-bashlan'ghuch mekteplerge kéngeytish pilanining sinaq rayoni qilip békitilgen.

Uyghur aptonom rayonluq partkom bu yil 3-ayda jaylardiki aliy we ottura-bashlan'ghuch mekteplerge uqturush chüshürüp, oqughuchilarni "Emgek bilen terbiyelesh" ni telep qilghan. Bu xitay xelq'arada Uyghurlarni qul emgikige sélish bilen eyibliniwatqan xitay hökümiti, emdi oqughuchilarni "Emgek bilen terbiyelesh" namida "Paxta üzüshke salamdu" dégen guman peyda qilghan.

Chünki, xitayning "Shinjang paxtisi" mejburiy emgekke chétishliq bolghanliqi üchün xelq'ara dangliq shirketlerning émbargosigha uchrap, rayondiki xitay toqumichiliq karxanilirini qiyin ehwalgha chüshürüp qoyghanidi. "Aqsu géziti" ning 10-oyun xewer qilishiche, xitay ma'arip ministirliqi aqsu shehiri bilen aral shehirini "Emgek bilen terbiyelesh" sinaq rayoni qilip tallighan.

Aqsu shehiridiki ma'arip tarmaqlirining xong famililik bir mes'uli xitay da'irilirining bu qararini "Xizmitimizning mu'eyyenleshtürülgenliki", dep körsitip, bu jehettiki "Alaqidar méxanizmni mukemmelleshtüridighanliqi" ni bildürgen. Biraq buning qandaq méxanizm ikenlikini tilgha almighan. "Aqsu géziti" ning bildürüshiche, xitay ma'arip ministirliqi 96 nahiye (rayon we sheher) ni "Emgek bilen terbiyelesh" sinaq nuqtisi qilip békitken bolup, aqsu bilen aral shularning ichide iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet