Оттура асиядики мәхсус уйғур тарихи вә мәдәнийитини тонуштуридиған тор бәт

Оттура асияда уйғур мәдәнийити, тарихи, тили, өрп - адәтлири вә һазирқи вәзийәтлири һәққидә мәхсус рус тилида учур тарқитидиған тор бәт “уйгуртодай” да уйғур тарихи вә мәдәнийитигә аит мақалиләр арқиму арқидин елан қилинмақта. Әнә шундақ мақалиләрниң бири мәхсус уйғурларниң өз ана дияридин 19 - әсирдә оттура асияға көчүшигә беғишланған болуп, оттура асиялиқ уйғур мутәхәссисләрдин бири гүлнарә вәлиханованиң бу һәқтики мақалисидә пәрғанә вадисидики уйғур йезилири, җүмлидин уйғур дияриға аит сақлинип қелинған йәр - җай намлириниң тизимлики берилгән. У тәхминән 50 әтрапидики йәр җай исмини хатирилигән, уларниң ичидики көп исимлар қәшқәр, атуш вә башқа җайлардики исимлар билән охшаш икән.

Мәзкур тор бәттә йәнә оттура әсир уйғур дөләтлири тарихи, 19 - әсирдики русийә саяһәтчилириниң уйғурлар һәққидә топлиған җәмийәтшунаслиқ вә өрп - адәтләргә аит материяллири үстидики анализ мақалилириму берилгән.

Оттура асиядики уйғурлар тарқитиватқан тор бәтләрниң сани көпийиватқан болуп, бу тор бәтләрниң көпинчиси сәнәткә беғишланған иди. Әмма, мәзкур тор бәт мәхсус уйғур тарихи вә мәдәнийитини асас қилған болуп, нөвәттә оқурмәнлириниң сани тез көпәймәктә икән.