"Sherqiy türkistan xelq'ara oyghinish herikiti" türkiye bilen xitayning jinayetchilerni ötküzüp bérish kélishimige qarshi pa'aliyet bashlighan

Muxbirimiz jewlan
2020-12-30
Share

Türkiye bilen xitayning "Jinayetchilerni ötküzüp bérish kélishimi" türkiye we bashqa döletlerde yashawatqan Uyghurlarni qattiq endishige salghanidi.

"Sherqiy türkistan xelq'ara oyghinish herikiti" teshkilati 29-dékabir özining tiwittér hésabida uqturush élan qilip, türkiye bilen xitayning "Jinayetchilerni ötküzüp bérish kélishimi" ge qarshi turush üchün, 30-dékabir chüshtin kéyin türkiyening washin'gitondiki elchixanisi aldida namayish ötküzidighanliqini jakarlighan. "Türkiye bilen xitay bu kélishimnamisini bikar qilsun!", "Uyghurlarni ötküzüp bérish qatilliqtur!" dégen sho'ar-chaqiriqlar téma qilin'ghan bu namayish, "Jinayetchilerni ötküzüp bérish kélishimi" ge qarshi türkiye hökümitige bérilgen küchlük signal we chaqiriq bolup, türkiye we bashqa döletlerdiki Uyghurlarmu türkiye hökümitini bu qilmishtin waz kéchishke ündep, xitayning hemme yerge sozulghan ziyankeshlikige qarshi jama'et bésimi peyda qilmaqta iken.

Melumatlargha qarighanda, mezkur kélishim musteqilliq herikitige qatnashqan Uyghurlargha türkiyede panahliq bermeslik we ularni xitaygha ötküzüp bérish dégendek mezmunlarni öz ichige alghan. Musulmanlar köp sanliqni teshkil qilidighan misir, se'udi erebistan qatarliq döletlerning Uyghurlarni xitaygha ötküzüp bergenliki, türkiyeningmu zinnetgul tursunni xitaygha qayturuwetkenliki qatarliq köpligen weqeler Uyghurlarni türkiyedimu xatirjem yashiyalmaydighan qiliwetkechke, ular öz hoquqini qoghdash üchün türkiye xelqi bilen birliship, hökümetke bésim peyda qilish üchün tirishmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet