Өзбекистан 2 милярд доллар сәрп қилип арал деңизиниң екологийәлик муһитини яхшилайдиғанлиқини билдүргән

Мухбиримиз қутлан
2017.02.06
Share on WhatsApp
Share on WhatsApp

Игилинишичә, өзбекистан һөкүмити кәлгүсидики 5 йил җәрянида 2 милярд америка доллири мәбләғ селип, аллиқачан қуруп кетишкә йүзләнгән арал деңизиниң екологийәлик муһитини яхшилайдиғанлиқини билдүргән.

Азадлиқ радийосиниң хәвәр қилишичә, президент шавкәт мирзиайеф 2017-йилидин 2021-йилиғичә болған җәрянда арал деңизи райониниң муһитини әслигә кәлтүрүш вә тәрәққий қилдуруш тоғрисидики дөләт пиланиға имза қойған. Бу пилан 1-айниң 30-күнидин етибарән иҗра қилинишқа башлайдикән.

Мәзкур пилан бойичә кәлгүсидики 5 йил җәрянида арал деңизниң су мәнбәлири билән су йәткүзүш системиси әслигә кәлтүрүлидикән. Арал деңизи әтрапидики муһит вә асасий әслиһә қурулуши қайта елип берилип, бу йәрдики аһалиләрниң олтурақлишиш, ишқа орунлишиш вә давалиниш шараити капаләтләндүрүлидикән.

Мәлумки, арал деңизи әслидә дунядики 4-чоң ички қуруқлуқ чоң көли болуп, сабиқ совет иттипақи даирилириниң районда қалаймиқан санаәт базилирини қуруши вә су мәнбәсини үзүп қоюши сәвәблик 1960-йиллардин кейин тәдриҗий қурушқа йүзләнгән. Һазир сир вә аму дәрялиридин бу йәргә еқип келидиған су мәнбәси үзүлгән болуп, арал деңизиниң 90 пирсәнт су йүзи қуруп кетишкә йүзләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.