Özbékistan 2 milyard dollar serp qilip aral déngizining ékologiyelik muhitini yaxshilaydighanliqini bildürgen

Muxbirimiz qutlan
2017.02.06
Share on WhatsApp
Share on WhatsApp

Igilinishiche, özbékistan hökümiti kelgüsidiki 5 yil jeryanida 2 milyard amérika dolliri meblegh sélip, alliqachan qurup kétishke yüzlen'gen aral déngizining ékologiyelik muhitini yaxshilaydighanliqini bildürgen.

Azadliq radiyosining xewer qilishiche, prézidént shawket mirzi'ayéf 2017-yilidin 2021-yilighiche bolghan jeryanda aral déngizi rayonining muhitini eslige keltürüsh we tereqqiy qildurush toghrisidiki dölet pilanigha imza qoyghan. Bu pilan 1-ayning 30-künidin étibaren ijra qilinishqa bashlaydiken.

Mezkur pilan boyiche kelgüsidiki 5 yil jeryanida aral déngizning su menbeliri bilen su yetküzüsh sistémisi eslige keltürülidiken. Aral déngizi etrapidiki muhit we asasiy eslihe qurulushi qayta élip bérilip, bu yerdiki ahalilerning olturaqlishish, ishqa orunlishish we dawalinish shara'iti kapaletlendürülidiken.

Melumki, aral déngizi eslide dunyadiki 4-chong ichki quruqluq chong köli bolup, sabiq sowét ittipaqi da'irilirining rayonda qalaymiqan sana'et bazilirini qurushi we su menbesini üzüp qoyushi seweblik 1960-yillardin kéyin tedrijiy qurushqa yüzlen'gen. Hazir sir we amu deryaliridin bu yerge éqip kélidighan su menbesi üzülgen bolup, aral déngizining 90 pirsent su yüzi qurup kétishke yüzlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.