Өзбекистанда кәримоф дәвридә қамалған сиясий мәһбуслар бир-бирләп қоюп берилмәктикән

Мухбиримиз қутлан
2017.02.27
Share on WhatsApp
Share on WhatsApp

Хәлқарадики көзәткүчиләр, сабиқ советлар иттипақи йимирилгәндин кейин, оттура асиядики әң йепиқ дөләткә айланған өзбекистанда йеқиндин буян сиясий атмосферада юмшаш көрүлүватқанлиқини тилға алмақта.

Баш штаби прагадики “азадлиқ радийоси” ниң өзбекчә бөлүми тарқатқан әң йеңи хәвәрләрдә йеңи президент шавкәт мирзайефниң диктатор ислам кәримоф дәвридики “сиясий тоңни тәдриҗий һалда еритишкә башлиғанлиқи” билдүрүлгән.

Хәвәрдә дейилишичә, кәримоф тәрипидин қамиветилгән даңлиқ журналист муһәммәд бегҗан 22-феврал күни түрмидин қоюп берилгән. У қоюп берилип бир саәттин кейин “азадлиқ радийоси” ниң зияритини қобул қилған. У мундақ дегән: “мән қамақта ятқан 18 йил мабәйнидә чачлирим пүтүнләй ақирип кәтти.”

Журналист муһәммәд бегҗан өзбекистан мустәқил болғандин кейинки өктичи гезит - “әрк” гезитиниң баш муһәррири болуп, 1994-йили кәромоф мәзкур гезитни печәтлигәндә у чәтәлгә қечишқа мәҗбур болған. Әпсуски, 1999-йили у украина пайтәхти кийефтики йошурунуп турған җайидин тутқун қилинип өзбекистанға елип келингән вә 15 йиллиқ қамаққа кесилгән. 2011-Йили униң қамақ муддити йәнә 4 йил 8 ай узартилған.

Муһәммәд бегҗан даңлиқ өктичи вә “әрк” партийәсиниң муһаҗирәттики рәһбири муһәммәд салиһниң иниси икән. “азадлиқ радийоси” ниң билдүрүшичә, у шавкәт мирзайеф тәхткә чиққандин буян түрмидин қоюп берилгән рустәм османоф вә сәмәндәр қоқанофтин кейинки үчинчи бир сиясий мәһбус икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.