Өзбекистан йеңи рәһбири шавкәт мирзайефниң ислам мәдәнийитини қоғдаш чақириқи диққәт қозғиди

Мухбиримиз шөһрәт һошур
2016.10.19
Share on WhatsApp
Share on WhatsApp

Өзбекистанниң вақитлиқ дөләт рәиси шавкәт мирзайефниң ислами принсипларни мустәһкәмләш вә ислам мәдәнийитини қоғдаш һәққидики тәшәббуси диққәт қозғиди.

Хәлқара хәвәрләрдә баян қилинишичә, у бу чақириқини 18- вә 19-өктәбир күнлири ташкәнттә өткүзүлгән хәлқара ислам иш бирлики тәшкилатиниң йиғинида оттуриға қойған.

Түркийәдики дуня бүлтәни намлиқ хәвәр торида елан қилинған “йеңи өзбек рәһбәрниң ислам диний майиллиқи” мавзулуқ хәвәрдә йәнә дейилишичә, шавкәт мирзайеф шу күнки йиғинда, ислам дининиң тинчлиқ, маарип вә мәниви байлиқлар дини икәнликини тәкитләп “ислам мәдәнийитини қоғдаш бизниң вәзипимиз” дегән.

Мәзкур хәвәрдә, өзбекистанниң сабиқ дөләт рәиси ислам кәримофниң һаят мәзгилидә иман, етиқади мустәһкәм кишиләргә арам бәрмигәнлики, һәтта бәзидә дүшмәнлик қилғанлиқи әскәртилгән.

Нөвәттә хитай түрмисидә йетиватқан диний зат, канада пуқраси һүсәйин җелил ислам керимоф һакимийити тәрипидин хитайға тапшурулған. Уйғур көзәткүчиләр һүсәйин җелилниң хитайға тапшурулушини, мәлум нуқтидин, ислам кәримофниң исламға қарши салқин яки дүшмәнлик позитсийәси биләнму мунасивәтлик, дәп қарашқан иди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.