Özbékistan yéngi rehbiri shawket mirzayéfning islam medeniyitini qoghdash chaqiriqi diqqet qozghidi

Muxbirimiz shöhret hoshur
2016.10.19
Share on WhatsApp
Share on WhatsApp

Özbékistanning waqitliq dölet re'isi shawket mirzayéfning islami prinsiplarni mustehkemlesh we islam medeniyitini qoghdash heqqidiki teshebbusi diqqet qozghidi.

Xelq'ara xewerlerde bayan qilinishiche, u bu chaqiriqini 18- we 19-öktebir künliri tashkentte ötküzülgen xelq'ara islam ish birliki teshkilatining yighinida otturigha qoyghan.

Türkiyediki dunya bülteni namliq xewer torida élan qilin'ghan “Yéngi özbék rehberning islam diniy mayilliqi” mawzuluq xewerde yene déyilishiche, shawket mirzayéf shu künki yighinda, islam dinining tinchliq, ma'arip we meniwi bayliqlar dini ikenlikini tekitlep “Islam medeniyitini qoghdash bizning wezipimiz” dégen.

Mezkur xewerde, özbékistanning sabiq dölet re'isi islam kerimofning hayat mezgilide iman, étiqadi mustehkem kishilerge aram bermigenliki, hetta bezide düshmenlik qilghanliqi eskertilgen.

Nöwette xitay türmiside yétiwatqan diniy zat, kanada puqrasi hüseyin jélil islam kérimof hakimiyiti teripidin xitaygha tapshurulghan. Uyghur közetküchiler hüseyin jélilning xitaygha tapshurulushini, melum nuqtidin, islam kerimofning islamgha qarshi salqin yaki düshmenlik pozitsiyesi bilenmu munasiwetlik, dep qarashqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.