Pakistanliq kaltektop cholpinining Uyghurlar heqqide qilghan chaqiriqini öchüriwétishi ghulghula qozghidi

Muxbirimiz irade
2019-12-26
Share

Pakistanliq dangliq kaltektop topchisi, pakistan döletlik kaltektop etritining sabiq térinéri shahidxan afridining Uyghurlarni qollap yazghan tiwittér uchurini öchürüwétishi zor ghulghula qozghidi.

Shahidxan afridi 22 - dékabir küni özining tiwittérdiki resmiy hésabida " Uyghur musulmanlirigha yürgüzülüwatqan zulumni anglap könglüm parakende boldi. Men (pakistan bash ministiri) imran xanni buninggha qarshi awaz chiqirishqa chaqirimen," dégen.

U yene tiwittér uchurida xitayning pakistandiki elchixanisinimu tilgha élip " Biz xitay elchixanisidin Uyghurlargha insaniy we adil mu'amile qilishni telep qilduq," dégen.

Biraq shahidxan afridi yuqiriqi tiwittér uchurini bir kündin kéyin öchürüwetken bolup, bu weqe tiwittérda küchlük inkas qozghidi.

"Los - anzhélis kitab tenqidchiliki" zhornilining yardemchi tehriri we tiwittérda 16 mingdin oshuq egeshküchisi bolghan pa'aliyetchi idris exmed kaltektop cholpini shahidxan afridining tiwittér uchurini öchürüshke mejburlan'ghanliqini ilgiri sürgen. U tiwittérda shahidxanning shu künki uchurining resimini élan qilip turup "Tönügün pakistanliq kaltektop cholpini shahidxan afridi imran xanni Uyghurlar uchün sözleshke chaqirghan shundaqla xitay elchixanisi eyibligen idi. Biraq u kéyin bu uchurini öchürüwétishke mejburlandi. Siz bu resimni qayta hembehirlesh arqiliq bundaq jimiqturush herikitige qarshi naraziliqizni ipadileng," dégen sözlerni qilghan. Netijide bu resim 600 qétimdin oshuq hembehirlen'gen.

Pakistan bash ministiri imran xan musulman dunyasidiki bashqa mesililerde gherb ellirini xuddi türkiye jumhur re'isi erdoghan'gha oxshash bashchi bolup tenqidleshte tonulghan "Qehriman" bolsimu, biraq u Uyghur mesilisige kelgende "Anglap baqmidim, körüp baqmidim" diyishni dawamlashturmaqta. Bu seweblik u xelq'arada küchlük tenqid we mesxire obikti bolup qalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.