Хитай әлчиханиси ана тил өгитиш вәдисидә турмиди, 50 чә оқуғучи мәктәп алмаштурди

Пакистанда паалийәт елип бериватқан өмәр уйғур вәхпи ана тил мәктипи ечип, бир түркүм уйғур муһаҗирлириниң пәрзәнтлирини тәрбийилигән иди.

Мәзкур тәшкилатниң һәрқандақ бир паалийитидин биарам болуп кәлгән исламаваттики хитай әлчиханиси дипломатик күчи арқилиқ мәзкур мәктәпни тақатқан вә өзлири бир оттура мәктәп тәсис қилип, уйғур тили өгитиш вәдиси билән пакистандики уйғур муһаҗирларниң пәрзәнтлирини топлиған иди.

Бүгүн өмәр уйғур вәхпиниң радийомизға ашкарилиши вә бир қисим уйғур муһаҗирларниң баян қилишичә, хитай әлчиханиси мәзкур вәдисидә турмиған Peak Montessori намидики бу мәктәптә ордучә билән хитай тилидила дәрс берилгән. Нәтиҗидә бу мәктәпкә йиғилған 200 гә йеқин уйғур оқуғучиниң 50 нәччиси йеқинда мәктәп алмаштурған.

Өмәр уйғур вәхпиниң башлиқи өмәрҗан әпәнди, пакистанниң иқтисадий җәһәттики намратлиқи сәвәблик, пәрзәнтлиригә ана тил өгитиш йолида хитай әлчиханисиға беқинип қалғанлиқини, әлчиханиниң бу қетимқи вәдисидә турмаслиқи билән хитай һакимийитиниң тәбиитини йәнә бир қетим тонуп йәткәнликини илгири сүрди. У пат йеқинда бу мәктәптин йәнә 20-30 оқуғучиниң айрилидиғанлиқини тилға алди.