Pakistan bash ministiri imranxan yene bir qétim Uyghur mesilisidin xewiri yoqluqini bildürdi

Muxbirimiz erkin
2019-09-16
Élxet
Pikir
Share
Print

Pakistan bash ministiri imran xan, Uyghur mesiliside "Ikki xil ölchem" qollinip, xitayning Uyghurlargha tutqan mu'amilisige "Köz yumush" bilen eyiplenmekte.

Imran xan yéqinda qatardiki eljezire téléwiziye qanilining ziyaritini qobul qilghanda yene bir qétim özining Uyghur mesilisi heqqide köp nerse bilmeydighanliqini bildürgen. Halbuki, pakistan téxi yéqindila islam ellirini öz ichige alghan 37 döletning b d t gha tapshurghan mektubigha imza qoyup, xitayning Uyghurlargha tutqan siyasitini qollaydighanliqini bildürgen idi.

Eljezire téléwiziye qanilining 14‏-séntebir küni tartqan ziyaret programmisida, imran xan mezkur téléwiziye qanili muxbirining shi jinping bilen Uyghur mesilisini héch muzakire qilip baqqan yaki baqmighanliqi heqqidiki so'aligha, özining bu mesile heqqide köp nerse bilmeydighanliqi, béyjingning islam'abadning "Eng yaxshi dosti" ikenlikini tekitligen. U "Yaq, men undaq qilip baqmidim. Hazir bizning özimizning nurghun ichki mesilimiz bar. Shunga, bu mesile heqqide köp nerse bilmeymen" dégen. U yene muxbirning musulman Uyghurlar duch kéliwatqan mu'amile heqqide ilgirilep sorighan so'aligha: "Hazirqi méning mes'uliyitim pakistan xelqi. Shunga, méning 1‏-nomurluq wezipem méning öz dölitimge yardem qilishtur" dégen.

Bu pakistan bash ministiri imran xanning Uyghur mesilisidin xewiri yoqluqini tunji qétim bildürüshi emes. U bir qanche ayning aldida "Maliye waqti géziti" ning ziyaritini qobul qilghanda bir qétim özining Uyghur mesilisidin xewiri yoqluqini bildürgen. Hindistandiki "Asiya xelq'ara xewerler" torining bildürüshiche, imran xanning sözi pakistandiki bezi zhurnalistlarning mesxirisige uchrighan. Pakistanliq zhurnalist taha sidiqi twéttirda imran xanning sözini tenqidlep, uning keshmirdiki musulmanlar bilen Uyghur musulmanlirigha "Ikki xil ölchem" qollan'ghanliqini eyibligen.

Toluq bet