Pakistan hökümitining Uyghurlar heqqidiki teklipini xitay ret qildi

Muxbirimiz eziz
2020-08-04
Share

Pakistan bash ministiri imran xan buningdin ilgiri muxbirlar uning bir musulman dölitining rehbiri bolush süpiti bilen Uyghurlar duch kéliwatqan paji'eler heqqide qandaq pikirde ikenlikini sorighanda "Bu ishlardin xewirim yoq iken. Toluq xewirim bolsidi men bu heqte pikir qilghan bolattim" dégenidi.

4-Awghust küni hindistandiki eng chong in'gliz tilliq axbarat wasitilirining biri bolghan "Bir dunya" téléwiziyesi mexsus mushu mesile heqqide bir programma ishlidi. Uningda éytilishiche, iqtisadiy jehette xitaygha baghlinip qalghan imran xan hökümitining Uyghurlar heqqidiki yapta gepliri pakistan we hindistandiki musulmanlar arisida imran xan'gha qarshi zor pikir ixtilapigha seweb bolghan. Shuningdek musulmanlar jama'iti arisida imran xan heqqidiki selbiy qarashlarning birdinla éship kétishige seweb bolghan.

Xewerde éytilishiche, yéqinqi mezgillerdin buyan melum bolushqa bashlighan lagérlar, mejburiy emgek hemde Uyghur ayallirini tughmas qiliwétish heqqidiki pakitlar pakistandiki musulmanlar arisida zor ghulghuligha seweb bolghan. Buning bilen imran xan hökümiti béyjing da'iriliri bilen bolghan uchrishishta "Dinni obdanraq chüshinish", "Uyghurlarni kolléktip tehdit, dep qarimasliq" dégendek töt türlük teklipni otturigha qoyghan. Emma xitay hökümiti ulargha "Özining soda ishigha zéhin qoyush, selbiy keypiyatni tügitish" dégen mezmunda jawab bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.