Pakistan bash ministiri, qeshqer-gwadar karidorini kéchiktürüshke yol qoyulmaydu, dédi

Muxbirimiz erkin
2015-10-30
Share

Pakistan bash ministiri nawaz sherif qeshqer-gwadar iqtisadiy karidori qurulushini kéchiktürüshke yol qoyulmaydighanliqini agahlandurup, “Mezkur qurulush pakistanning kélechiki, mezkur qurulushni püttürüsh hökümetning tüp wezipisi” dégen.

3 Ming kilométir uzunluqtiki qeshqer-gwadar iqtisadiy karidori Uyghur ilining qeshqer shehiri bilen pakistan déngiz porti-gwadarni tash yol, tömüryol we néfit turuba yoli arqiliq baghlashni öz ichige alghan.

Mezkur pilan xitay re'isi shi jinping otturigha qoyghan “Yéngi yipek yoli” qurulushining bir qismi bolup, u bu yil 4‏-ayda pakistanni ziyaret qilghanda uning bilen 46 milyard dollarliq meblegh sélish toxtami tüzgen. Bu pulning zor qismini qeshqer-gwadar karidorining asasi esliheler qurulushigha meblegh qilip sélishqa kélishken idi.

Shinxu'a agéntliqi bu heqtiki xewiride, nawaz sherifning “Bu qurulush pakistan'gha zor ishqa orunlishish pursiti yaritip, sodini güllendüridu, namratliqni azaytidu” dégenlikini bildürgen.

Emma bezi közetküchiler bu qurulush xitaygha hindi okyan'gha chiqish imkaniyiti yaritip bérish bilen birge, qeshqerning kélechikige zor xiris hem bezi pursetlerni élip kélidighanliqini eskertip keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet