Baluch pa'aliyetchiliri londonda “Xitay-pakistan hemkarliqi” gha qarshi namayish qildi

“Hindistan waqti” gézitining xewirige qarighanda 31-öktebir küni “Hör baluchistan herikiti” pa'aliyetchiliri londondiki xitay elchixanisi aldida bir hepte dawam qilidighan jim olturuwélish herikitini bashlighan.

Xewerde éytilishiche, pakistanning baluchistan rayoni xitay bilen pakistanning 46 milyard amérika dolliriliq iqtisadiy hemkarliqni asas qilghan “Xitay-pakistan iqtisadiy karidori” qurulushidiki muhim rayon iken. Mezkur qurulush qeshqer bilen pakistanning gwadar portini bir-birige baghlaydighan bolup, bu qurulush 2015-yili bashlan'ghan hemde keshmir we baluchistan teweside dawam qilmaqta iken.

Londondiki namayishqa ishtirak qilghan baluch pa'aliyetchiliri “Mezkur qurulush baluchistan xelqining arzusigha xilap halda bashlan'ghan. Xitay gwadarda peyda bolghandin buyan yerlik baluch xelqi öz yéziliridin qoghliniwatidu” dep shikayet qilghan. Melum bolushiche, bu qétimqi namayish 6-noyabir küni axirlishidiken.