Bir qisim Uyghur kadirlarning “Parixorluq” bilen qolgha élinishi guman qozghimaqta

Xitay hökümiti bashqurishidiki “Xelq tori” ning  ötken heptidiki xewiride éytilishiche, mekit nahiye yéza iqtisadiy idarisining kadiri atikem imin we nahiyelik saqchi idarisi'ining saqchisi imam qurban “Parixorluq” bilen eyiblinip qolgha élin'ghan. 

Uyghur diyaridiki Uyghur emeldarlarning “Tazilinishi” ötken birnechche yilda izchil dawam qilip kelgen hadisilerdin bolup, buningda izchil atalmish “Ikki yüzlimilik qilmishi” ularning qamaqqa yaki lagirlargha bérishidiki asasiy bahane-seweb bolup kelgen idi. Bu jeryanda bir qisim yuquri derijilik ‍uyghur emeldarlargha yene “Parixorluq” jinayitiningmu artilghanliqi diqqet qozghighan idi. 

Halbuki, Uyghur diyaridiki barliq iqtisadiy sahening xitay kadirlarning kontrolluqida ikenlikini tekitligen bezi analizchilar Uyghur kadirlarning iqtisadiy jinayet sadir qilghudek imkaniyitining tolimu cheklik ikenlikini, bundaq ehwalda Uyghur xizmetchilerning “Parixorluq” qilish éhtimalliqining téximu az bolidighanliqini tilgha alidu. Xitay öktichi ziyalisi chén pokong Uyghur kadirlarning qolgha élinishi heqqide söz qilip: “Xitay hökümiti héchqachan Uyghur xizmetchilerge toluq ishinip baqqan emes. Ularni qamaqqa élish üchün hökümet herqandaq bahanilerni oydurup chiqiralaydu,” dégen idi.