Shinjang gézitining sabiq partkom sékrétari para élish jinayiti bilen 7 yilliq késilgen

Muxbirimiz jüme
2016-07-06
Share

Shinjang gézitining sabiq partkom sékrétari, bash muherriri jaw shinwéy para élish jinayiti bilen 7 yilliq qamaq jazasigha höküm qilin'ghan.

Xitay axbaratlirida 6-iyul élan qilghan xewerlerge qarighanda, jaw ilgiri-axiri bolup 1 milyon 920 ming somdin artuq para alghan. Ürümchi ottura soti yéqinda achqan sotta uninggha 7 yilliq qamaq jazasi bergendin bashqa yene 40 ming som jerimane qoyghan.

Bu yil 59 yashqa kirgen jaw shinwéy shinjang gézitining mu'awin idare bashliqliq wezipisinimu ötigen bolup, u 2015-yili 6-awghust para élish jinayiti bilen jinayi ishlar boyiche toxtitip qoyulghan we shu yili noyabirda partiyedin qoghlap chiqirilghan iken.

Xitaydin chiqidighan chiriklikke qarshi turush uchurliri torida körsitishiche, jaw shinwéy esli xitayning shenshi ölkiside tughulghan bolup, 1986 yilidin bashlap qeshqerde hoquq tutushqa bashlighan.

U 1986-yilidin 1996-yilighiche qeshqer wilayetlik partkom ishxanisining katipi bolghan. U shundin kéyin tedrijiy ösüp, qeshqer wilayetlik partkomigha bash katip, konasheher nahiyesige partkom sékrétari, qeshqer wilayetlik partkomining hey'et ezasi we qeshqer wilayetlik teshwiqat bölümige bashliq bolghan.

Jaw shinwéy 2011-yili shinjang gézitining partkom sékrétari qilip yötkelgen.

Xewerge qarighanda, u 2005-yilidin 2015-yilighiche bolghan 10 yil ichide hoquqidin paydilinip yégen omumiy para sommisi 2 milyon somgha yéqinlashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet