Uyghur élide “Partiye guruppisining sékrétarliri ‛birinchi bashliq‚ bolush” heqqide yolyoruq bérilgen
2025.01.23
23-Yanwar küni, Uyghur aptonom rayonluq partkomning mu'awin sékrétari, siyasiy we qanun komitétining katipi chén mingguning riyasetchilikide échilghan bir yighinda “Jaylarda partiye guruppisining sékrétari (partiye komitéti) choqum ‛birinchi bashliq‚ bolushtek wezipisini ada qilishi kérekliki” yolyoruq qilin'ghan.
Xitayning tengritagh torida tarqitilghan bu heqtiki xewerdin qarighanda, chin minggo yighinda herqaysi jaylar we organlarda siyasiy yétekchilikni kücheytishni tekitligen bolup, partiye guruppisining sékrétari (partiye komitéti) choqum “Birinchi bashliq” bolushtek wezipisini ada qilishi kérekliki, tarmaq apparatlarning bolsa partiye komitétlirining mes'uliyitini ada qilishigha yardem bérishi kéreklikini bildürgen.
Melum bolushiche, xitay kompartiyesi partiye guruppilirining Uyghur élidiki birinchi qol hoquqni ötküzüwélishining yerlik hökümetlerning héchqandaq emeliy hoquqi bolmaydighanliqidin dérek béridighanliqi xewer qilinmaqta.
Yuqiridiki yighinda yene, herqaysi rayon derijilik partkom rehberliri we tarmaq organlar rehberlirige siyasiy organlarning qurulushini ilgiri sürüsh, nezeriyewi qoralni chongqurlashturush, asasiy qatlamni mustehkemlesh we xizmetni kücheytish heqqidimu yolyoruq bérilgen.