Шенҗенда йүз бәргән патқақ сийрилиш вәқәсидә өлгәнләрниң сани 60 қа йеқинлашқан

Мухбиримиз җүмә
2016-01-06
Share

Хитай даирилириниң чаршәнбә күни билдүрүшичә, шенҗен шәһиридә 20-декабир йүз бәргән лай сийрилиш вәқәсидә өлгәнләрниң сани 58 гә йәткән.

Әнглийәдин чиқидиған “һамий” гезитиниң хәвәр қилишичә, вәқә шенҗен шәһиригә йеңидин бәрпа қилинған гуаңмиң йеңи районида йүз бәргән болуп, вәқәни районға йеқин җайлашқан бир тағ қаптилидики қурулуш әхләтлирини тиндуруш орни кәлтүрүп чиқарған.

Мәлум болушичә, мәзкур орунға қурулуш әхләтлири намувапиқ дөвиләнгән болуп, әхләтләрниң егизлики 100 метирдин ешип кәткән.

Фирансийә агентлиқиниң хәвәр қилишичә, 20-декабир яғқан қаттиқ ямғурдин кейин әхләт дөвиси патқаққа айлинип сийрилип чүшкән вә тағ бойлап етилип кетип тағ бағридики олтурақ өйләр, вә сода орунлирини бесип кәткән.

Даириләр дәсләптә һадисидә өлгән адәм санини 7 нәпәр дәп, елан қилған.

Бу қетим қазаға учриғанлар сани 58 нәпәргә өстүрүлгән болсиму, йәнә 25 адәмниң из-дерики болмиғанлиқи көрситилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт