Xitay xelq'arada bayqut qilishqa uchrighan "Shinjang paxtisi" ni qutquzushqa mejbur bolghan

Muxbirimiz erkin
2021-09-17
Share

Xitay hökümiti xelq'arada Uyghurlarni mejburiy emgekke sélish bilen eyiblinip bayqut qilishqa uchrighan "Shinjang paxtisi" gha 50 milyard yüen qerz bérip, uning ishlepchiqirishi we bahasini turaqlashturushqa mejbur bolghan. Közetküchilerning perez qilishiche, bu ehwal amérikaning "Shinjang paxtisi" da ishlepchiqirilghan mehsulatlarni import qilishni cheklishi, nurghun dangliq xelq'ara shirketlerning "Shinjang paxtisi" ishlitishni bayqut qilishi uning rayondiki paxta ishlepchiqirishigha qattiq tesir qilip, qutquzushqa mejbur bolghanliqini körsitidiken.

Shinxu'a agéntliqining 17-séntebirdiki xewiride ashkarilinishiche, xitay yéza igilik tereqqiyat bankisi bu yil küzde paxta shirketlirige 50 milyard yüen alahide étibar bahada qerz tarqitishni qarar qilghan. Xewerde, buning paxta baziri we paxta bahasini muqimlashturushni meqset qilghanliqi tekitlen'gen.

Xitay hökümitining 2017-yildin bashlap milyondin artuq Uyghurni türme we lagérlargha qamishi, paxta ishlepchiqirishni ‍öz ichige ‍alghan keng sahelerde mejburiy emgekke sélishi amérika bashchiliqidiki gherb döletlirining jiddiy inkasini qozghighan.

Amérika tamozhna we chégra qoghdash idarisi ‍ötken yili "Shinjang paxtisi" da ishlepchiqirilghan mehsulatlarni chekligen. Xelq'ara "Aliy süpetlik paxta teshkilati" "Shinjang paxtisi" ishlitishni toxtatqanliqini élan qilghanidi. Melum bolushiche, xitay yéza igilik tereqqiyat bankisining 50 milyard yüen qerz puli rayondiki 3 milyon tonnidin artuq paxta sétiwalghan shirketlerni qollashqa qaritilghaniken. Xewerde, rayondiki 149 shirketning bu ‍ölchemge chüshidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet