Музикант пәрһат халиқ голландийә "шаһзадә краус мукапати" ға еришти

Мухбиримиз әркин
2015-12-04
Share

Атақлиқ уйғур музикант вә нахшичи пәрһат халиқ голландийә хан җәмәти тәсис қилған 2015‏-йиллиқ "шаһзадә краус мукапати" ға еришти. Мукапат тарқитиш мурасими 2‏-декабир амистердамда өткүзүлгән.

Мәзкур мукапат бу йил һәр қайси әлләрниң музика, рәссамлиқ, ахбарат, фотограф, киночилиқ, әдәбият саһәсидики 10 кишигә берилгән. Пәрһат халиқ мукапат алған шу 10 кишиниң бири.

"шаһзадә краус мукапати" комитетиниң илгири сүрүшичә, "пәрһат халиқниң музикилирида уйғур әнәниви музикиси билән рок музикиси вә блуз музика услуби бирләшкән. Униң нахша текистлиридики лирика күчлүк шәхси вә йәрлик пураққа игә." у шу алаһидилики билән бу йиллиқ мукапатқа лайиқ көрүлгән.

"шаһзадә краус мукапати" комитети бу йил 5‏-айда йоллиған тәвсийәнамисидә йәнә, пәрһат халиқниң авазидики растчиллиқ "чоңқур инсани қиммәт вә һессиятни ипадиләп, кишиләрниң қәлбини ләрзигә салиду" дегән.

Пәрһат халиқ 1982‏-йили үрүмчидә туғулған. У шинҗаң сәнәт институтиниң рәсим факултетини пүттүргән болсиму, әмма униң музикидики таланти наһайити тезла җәмийәтниң етирап қилишиға еришкән.

У, бу йил 8-айда "хитайдики аваз" намлиқ мәмликәтлик нахша мусабиқисигә қатнишип зор дағдуға қозғиған. У 2-ликкә еришип қалған болсиму, әмма униң таланти кишиләрни қайил қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт