Muzikant perhat xaliq gollandiye "Shahzade kra'us mukapati" gha érishti

Muxbirimiz erkin
2015-12-04
Élxet
Pikir
Share
Print

Ataqliq Uyghur muzikant we naxshichi perhat xaliq gollandiye xan jemeti tesis qilghan 2015‏-yilliq "Shahzade kra'us mukapati" gha érishti. Mukapat tarqitish murasimi 2‏-dékabir amistérdamda ötküzülgen.

Mezkur mukapat bu yil her qaysi ellerning muzika, ressamliq, axbarat, fotograf, kinochiliq, edebiyat sahesidiki 10 kishige bérilgen. Perhat xaliq mukapat alghan shu 10 kishining biri.

"Shahzade kra'us mukapati" komitétining ilgiri sürüshiche, "Perhat xaliqning muzikilirida Uyghur en'eniwi muzikisi bilen rok muzikisi we bluz muzika uslubi birleshken. Uning naxsha tékistliridiki lirika küchlük shexsi we yerlik puraqqa ige." u shu alahidiliki bilen bu yilliq mukapatqa layiq körülgen.

"Shahzade kra'us mukapati" komitéti bu yil 5‏-ayda yollighan tewsiyenamiside yene, perhat xaliqning awazidiki rastchilliq "Chongqur insani qimmet we héssiyatni ipadilep, kishilerning qelbini lerzige salidu" dégen.

Perhat xaliq 1982‏-yili ürümchide tughulghan. U shinjang sen'et institutining resim fakultétini püttürgen bolsimu, emma uning muzikidiki talanti nahayiti tézla jem'iyetning étirap qilishigha érishken.

U, bu yil 8-ayda "Xitaydiki awaz" namliq memliketlik naxsha musabiqisige qatniship zor daghdugha qozghighan. U 2-likke ériship qalghan bolsimu, emma uning talanti kishilerni qayil qilghan idi.

Toluq bet