Майк помпейо: «корона вирусиниң вухән тәҗрибиханисидин тарқалғанлиқиға аит ғайәт зор дәлилләр бар»

Мухбиримиз әркин
2020-05-04
Елхәт
Пикир
Share
Принт

Америка ташқи ишлар министири майк помпейо корона вирусиниң вухәндики тәҗрибиханидин тарқалғанға аит «ғайәт зор дәлилләрниң барлиқи» ни билдүрди. У президент трамптин кейин корона вирусиниң вухән тәҗрибиханисидин тарқалғанлиқиға аит дәлилләрниң барлиқини тәкитлигән иккинчи бир юқири дәриҗилик америка һөкүмәт әмәлдаридур. Президент трамп өткән пәйшәнбә күни вирусниң вухән тәҗрибиханисидин тарқалғанлиқиға аит қанаәт қиларлиқ дәлилләрни көргәнликини билдүргән иди.

Майк помпейо 2-май күни америкадики ABC телевизийә қанилиниң зияритини қобул қилғанда мундақ дегән: «мән сизгә шуни ейталаймәнки, буниң вухәндики тәҗрибиханидин кәлгәнликигә аит йетәрлик дәриҗидә дәлилләр бар… бу бизниң тунҗи қетим хитай тәҗрибиханисиниң хаталиқи сәвәблик дуняға юқум тарқилип кетиш мәсилисигә дуч келишимиз әмәс.» Трамп билән помпейониң бу сөзләрни хәлқарада хитайниң корона вируси юқумидики җавабкарлиқини сүрүштүрүш тәлипи күчийиватқан мәзгилдә қилиши диққәт қозғиди.

Лекин хитай һөкүмити американиң вухән тәҗрибиханисиға қарита тәкшүрүш елип бериш тәлипини изчил рәт қилип кәлди. Президент трумп 2-май күни әгәр хитай 1-басқучлуқ америка-хитай сода келишимидә бәргән 200 милярд долларлиқ америка мәһсулатини сетивелиш вәдисини иҗра қилмиса, өзиниң мәзкур келишимни бикар қилидиғанлиқини билдүргән. Униң тәкитлишичә, ши җинпиң бу келишимни вашиңтонниң хитай мәһсулатлириға таможна беҗи қоюши сәвәблик қобул қилған икән. Президент трамп өткән һәптә ақсарайдики ахбарат йиғинида хитай мәһсулатлириға таможна беҗи қоюш мумкинликини агаһландурған иди.

Пикирләр (0)
Share
Толуқ бәт