Mayk pompéyo: "Korona wirusining wuxen tejribixanisidin tarqalghanliqigha a'it ghayet zor deliller bar"

Muxbirimiz erkin
2020-05-04
Élxet
Pikir
Share
Print

Amérika tashqi ishlar ministiri mayk pompéyo korona wirusining wuxendiki tejribixanidin tarqalghan'gha a'it "Ghayet zor delillerning barliqi" ni bildürdi. U prézidént tramptin kéyin korona wirusining wuxen tejribixanisidin tarqalghanliqigha a'it delillerning barliqini tekitligen ikkinchi bir yuqiri derijilik amérika hökümet emeldaridur. Prézidént tramp ötken peyshenbe küni wirusning wuxen tejribixanisidin tarqalghanliqigha a'it qana'et qilarliq delillerni körgenlikini bildürgen idi.

Mayk pompéyo 2-may küni amérikadiki ABC téléwiziye qanilining ziyaritini qobul qilghanda mundaq dégen: "Men sizge shuni éytalaymenki, buning wuxendiki tejribixanidin kelgenlikige a'it yéterlik derijide deliller bar… bu bizning tunji qétim xitay tejribixanisining xataliqi seweblik dunyagha yuqum tarqilip kétish mesilisige duch kélishimiz emes." tramp bilen pompéyoning bu sözlerni xelq'arada xitayning korona wirusi yuqumidiki jawabkarliqini sürüshtürüsh telipi küchiyiwatqan mezgilde qilishi diqqet qozghidi.

Lékin xitay hökümiti amérikaning wuxen tejribixanisigha qarita tekshürüsh élip bérish telipini izchil ret qilip keldi. Prézidént trump 2-may küni eger xitay 1-basquchluq amérika-xitay soda kélishimide bergen 200 milyard dollarliq amérika mehsulatini sétiwélish wedisini ijra qilmisa, özining mezkur kélishimni bikar qilidighanliqini bildürgen. Uning tekitlishiche, shi jinping bu kélishimni washingtonning xitay mehsulatlirigha tamozhna béji qoyushi seweblik qobul qilghan iken. Prézidént tramp ötken hepte aqsaraydiki axbarat yighinida xitay mehsulatlirigha tamozhna béji qoyush mumkinlikini agahlandurghan idi.

Toluq bet