Помпейо: «америка ширкәтлири шинҗаңда йүз бериватқан ишларни техиму тонуп йетишкә башлиди»

Мухбиримиз әркин
2020-08-03
Елхәт
Пикир
Share
Принт

Америка ташқи ишлар министири майк помпейо америка ширкәтлириниң уйғур диярида йүз бериватқан кишилик һоқуқ дәпсәндичиликлирини техиму тонуп йетишкә башлиқиғанлиқини билдүрүп, уларни мәзкур район билән болған содисини қайта ойлишишқа чақирди. Помпейо бу сөзләрни американиң «шинҗаң ишләпчиқириш-қурулуши биңтуәни» билән униң икки рәһбиригә ембарго қойғһанлиқини елан қилип арқидинла тәкитлигән. Помпейониң тәкитлишичә, «шинҗаң ишләпчиқириш-қурулуш биңтуәниниң америка карханилирини өз ичигә алған ғәрб ширкәтлири билән ‹чоңқур алақиси' бар икән.»

Помпейо биңтуәнниң пахта ишләпчиқиришқа четишлиқ икәнликини билдүрүп: «мениңчә, ширкәтләр җүмлидин америкадики бәзи даңлиқ маркилар бу районда йүз бериватқан ишларға бағлинип қелишни халимайду,» дегән. Майк помпейо бу сөзләрни 2-авғуст күни амәрка «фокис» телевизийә қанилиниң зияритини қобул қилғанда ейтқан. У хитай компартийәсиниң уйғурларға мәҗбурий бала чүшүрүш вә туғмас қилишни өз ичигә қалған «интайин қорқунчлуқ ишлар» ни қиливатқналиқини тәкитләп, америка ширкәтлириниң «шинҗаңда йүз бериватқан ишлар» ни вә «буниң маркилириға елип келидиған хирисини техиму тонуп йетишкә башлиди,» дегән.

Униң тәкитлишичә, улар «пүтүн дуняда узун мәзгил әркинликкә болған тәһдитләрни, бу райондики һакимийәтниң тәбиитини тонуп йетәлмәй, йол қоюшқа болмайдиған ишларниң давамлишишиға йол қойған.» Майк помпейо американиң йеқинқи имбаргоси «шинҗаңдики хитай ширкәтлиригә уларниң һәрикитини өзгәртиши керәкликини билдүрди,» дегән. Америка малийә министирлиқи 31-июл күни хитайниң уйғур дияридики шинҗаң ишләпчиқириш-қурулуш биңтуәни вә униң рәһбири сун җинлоң билән пәң җяруйгә уларниң уйғурларни дәпсәндә қилишта ойниған роли сәвәблик ембарго қойғһанлиқини җакарлиған иди.

Пикирләр (0)
Share
Толуқ бәт