Pompéyo: "Amérika shirketliri shinjangda yüz bériwatqan ishlarni téximu tonup yétishke bashlidi"

Muxbirimiz erkin
2020-08-03
Élxet
Pikir
Share
Print

Amérika tashqi ishlar ministiri mayk pompéyo amérika shirketlirining Uyghur diyarida yüz bériwatqan kishilik hoquq depsendichiliklirini téximu tonup yétishke bashliqighanliqini bildürüp, ularni mezkur rayon bilen bolghan sodisini qayta oylishishqa chaqirdi. Pompéyo bu sözlerni amérikaning "Shinjang ishlepchiqirish-qurulushi bingtu'eni" bilen uning ikki rehbirige émbargo qoyghhanliqini élan qilip arqidinla tekitligen. Pompéyoning tekitlishiche, "Shinjang ishlepchiqirish-qurulush bingtu'enining amérika karxanilirini öz ichige alghan gherb shirketliri bilen 'chongqur alaqisi' bar iken."

Pompéyo bingtu'enning paxta ishlepchiqirishqa chétishliq ikenlikini bildürüp: "Méningche, shirketler jümlidin amérikadiki bezi dangliq markilar bu rayonda yüz bériwatqan ishlargha baghlinip qélishni xalimaydu," dégen. Mayk pompéyo bu sözlerni 2-awghust küni amerka "Fokis" téléwiziye qanilining ziyaritini qobul qilghanda éytqan. U xitay kompartiyesining Uyghurlargha mejburiy bala chüshürüsh we tughmas qilishni öz ichige qalghan "Intayin qorqunchluq ishlar" ni qiliwatqnaliqini tekitlep, amérika shirketlirining "Shinjangda yüz bériwatqan ishlar" ni we "Buning markilirigha élip kélidighan xirisini téximu tonup yétishke bashlidi," dégen.

Uning tekitlishiche, ular "Pütün dunyada uzun mezgil erkinlikke bolghan tehditlerni, bu rayondiki hakimiyetning tebi'itini tonup yételmey, yol qoyushqa bolmaydighan ishlarning dawamlishishigha yol qoyghan." mayk pompéyo amérikaning yéqinqi imbargosi "Shinjangdiki xitay shirketlirige ularning herikitini özgertishi kéreklikini bildürdi," dégen. Amérika maliye ministirliqi 31-iyul küni xitayning Uyghur diyaridiki shinjang ishlepchiqirish-qurulush bingtu'eni we uning rehbiri sun jinlong bilen peng jyaruyge ularning Uyghurlarni depsende qilishta oynighan roli seweblik émbargo qoyghhanliqini jakarlighan idi.

Toluq bet