Америка ташқи ишлар министири майк помпейо хитай тәһдитигә қарши тәдбир еливатқанлиқини билдүрди

Ихтиярий мухбиримиз җәвлан
2020-09-02
Елхәт
Пикир
Share
Принт
Америка ташқи ишлар министири майк помпейо әпәнди ташқи ишлар министирлиқида өткүзүлгән ахбарат елан қилиш йиғинида сөзләватқан көрүнүш. 2020-Йили 5-авғуст, вашингтон.
Америка ташқи ишлар министири майк помпейо әпәнди ташқи ишлар министирлиқида өткүзүлгән ахбарат елан қилиш йиғинида сөзләватқан көрүнүш. 2020-Йили 5-авғуст, вашингтон.
AP

Америка ташқи ишлар министири майк помпейо 2-сентәбир сөз қилип, хитай компартийәсидин келиватқан тәһдит һәққидә тохталди вә униңға қарши тәдбир еливатқанлиқини билдүрди.

Майк помпейо сөзидә хитайни тилға елип, мундақ деди: «трамп һөкүмити хитай билән болған мунасивитини америкиға қандақ муамилә қилинған болса, униңға мас һалда инкас қатуридиған йолға селишқа тиришиватиду. Хитай компартийәси чәт әллик дипломатларниң америкадики паалийәтлиригә тосқунлуқ қиливатиду. Болупму хитай америкадики алий мәктәпләр, таратқулар вә аммиви алақә васитилиригә сиңип кирип, америкалиқ дипломатларниң нормал иҗтимаий алақилиридиму хитай пуқралири билән учришишиға йол қоймайватиду.»

Майк помпейо йәнә мундақ деди: «бүгүн мән шуни җакарлаймәнки, америка ташқи ишлар министирлиқи хитай дипломатлириниң америкадики алий мәктәпләр вә йәрлик һөкүмәт әмәлдарлири билән өткүзидиған паалийәтлиригә рухсәт алидиған механизмини қуруп чиқти. Кейинки қәдәмдә биз барлиқ хитай әлчиханилири вә консулханилириниң иҗтимаий алақә һесаблирини ениқлап чиқимиз.»

Майк помпейо сөзидә йәнә, америка алий мәктәп иҗраийә комитетиниң йеқинда һөкүмәткә мәктуп йоллап, хитай компартийәсиниң америка алий мәктәплиридики кишилик һоқуқ, илмий әркинликкә тәһдит салғанлиқи, алий мәктәпләргә ианә қилған пулида қанунсиз қилмишларниң барлиқи, чәт әллик оқуғучиларға тәһдит салғанлиқи, әқлий мүлүк һоқуқини оғрилиғанлиқи дегәндәк қилмишларни мәлум қилғанлиқини ейтти.

У ахирида хитай компартийәсигә қоюлидиған җаза тәдбирлири һәққидиму тохталди.

У мундақ деди: «сода министирлиқиниң тизимликидә кишилик һоқуққа таҗавуз қилиш, һәрбий сода вә башқа җинайәтләргә четишлиқ хитай ширкәтлири бар. Хитайниң чоң ширкәтлириниң америка пай чеки базиридики қилмишиму чәктин ешип кәтти. Биз хитайдики бәзи ширкәт вә шәхсләргә җаза йүргүзүш арқилиқ хитай компартийәсиниң кеңәймичиликини чәкләймиз».

Майк помпейо сөзидә йәнә хитайниң қошна дөләтләргә тәһдит селиватқанлиқини, һиндистан билән хитай оттурисидики чегра тоқунушиниң тинч йол билән һәл болушини үмид қилидиғанлиқини билдүрди.

Пикирләр (0)
Share
Толуқ бәт