Xitayning amérikadiki elchixanisi mayk pompéyoning sözlirige naraziliq bildürgen

Xitay hökümiti amérika tashqiy ishlar ministirliqining sabiq ministéri mayk pompéyoning xitay kompartiyesige qarshi awazini öchürüshke urun'ghan.

Mayk pompéyo ötken ayda xudson instituti uyushturghan bir söhbette, xitay kompartiyesining 1 milyard 400 milyon xitay puqrasigha wekillik qilalmaydighanliqini sözligendin kéyin, xitayning amérikada turushluq elchixanisi yéqinda xodsun institutigha xet yézip, mayk pompéyoning “Xitay kompartiyesini qarilighanliqi” gha naraziliq bildürgen.

Xitay elchixanisi bu xétide “Xitay xelqining tarixta xitay kompartiyesini tallighanliqini we uni qet'iy hémaye qilidighanliqini, xarward uniwérsitéti élip barghan ray sinashta 90 pirsent xitay puqrasining xitay kompartiyesidin razi ikenlikini ispatlighanliqi” ni bildürgen.

Mayk pompéyo bu xetni özining ijtima'iy alaqe bétige chiqarghan we “Xitay kompartiyesi méni heq gep qilishtin tosimaqchi boptu. Ularning bu gherizi emelge ashmaydu” dégen.

Xudson institutining bashliqi jon waltér John Walter)) mu xitay elchixanisining bu xétini ret qilip yollighan tiwétida mundaq dégen: “Irqiy qirghinchiliq yürgüzüwatqan xitay kompartiyesi öz puqralirini basturidighan zalimgha, erkin dunya insanlirining düshminige aylandi. Xitay puqraliri we amérika puqralirimu buni bilishi kérek”.