Майк помпейо: “тәйвән әзәлдин тартип хитайниң бир қисми әмәс”

Америка ташқи ишла министири майк помпейо, тәйвәнниң әзәлдин тартип хитайниң бир қисми әмәсликини билдүргән. Униң тәкиткишичә, сабиқ реган һөкүмити өзиниң тәйвән сияситини бекиткәндиму бу нуқтини етирап қилған болуп, өткән 35 йил мабәйнида американиң һәр икки партийәдин болған һөкүмәтлири бу сиясәткә әмәл қилип кәлгәникән. Майк помпейо бу сөзләрни 12-ноябир күни америкадики бир радио истансисиниң зияритини қобул қилғанда қилған. У “сөзни тоғра қилиш һәр вақит муһим. Тәйвән хитайниң бир қисми әмәс” дегән.

Униң тәкитлишичә, у илгири мәркизи истихбарат идарисиниң башлиқи болғанда яки һазир ташқи ишлар министири вәзиписини өтәватқандиму американиң тәйвәнгә ениқ вәдә бәргәнлики, тәйвән хитайниң бир парчиси әмәс, дегән бу вәдисидә давамлиқ чиң туридиғанлиқини тәкитләп кәлмәктикән. Майк помпейо америка-хитай дипломатик мунасивәт орнатқан 1979-йилдин бери тәйвәнниң хитайниң бир қисми әмәсликини ашкара ейтқан тунҗи америка ташқи ишлар министиридур.

Майк помпейо бу сөзләрни президент трамп 12-ноябир мәмурий буйруқ чүшүрүп, америкалиқларниң хитай азадлиқ армийәси билән алақиси бар хитай ширкәтлиригә мәбләғ селишини чәклигән күни ейтқан. Президент трампниң буйруқида америкалиқларниң хуавей, хитай көчмә телефон ширкити, хитай телефон алақә ширкити, хәйкаң технологийә ширкити, хитай төмүрйол қурулуши қатарлиқ 31 ширкәткә мәбләш селиши чәкләнгән.