Mayk pompéyo: “Teywen ezeldin tartip xitayning bir qismi emes”

Muxbirimiz erkin
2020.11.13

Amérika tashqi ishla ministiri mayk pompéyo, teywenning ezeldin tartip xitayning bir qismi emeslikini bildürgen. Uning tekitkishiche, sabiq régan hökümiti özining teywen siyasitini békitkendimu bu nuqtini étirap qilghan bolup, ötken 35 yil mabeynida amérikaning her ikki partiyedin bolghan hökümetliri bu siyasetke emel qilip kelgeniken. Mayk pompéyo bu sözlerni 12-noyabir küni amérikadiki bir radi'o istansisining ziyaritini qobul qilghanda qilghan. U “Sözni toghra qilish her waqit muhim. Teywen xitayning bir qismi emes” dégen.

Uning tekitlishiche, u ilgiri merkizi istixbarat idarisining bashliqi bolghanda yaki hazir tashqi ishlar ministiri wezipisini ötewatqandimu amérikaning teywen'ge éniq wede bergenliki, teywen xitayning bir parchisi emes, dégen bu wediside dawamliq ching turidighanliqini tekitlep kelmektiken. Mayk pompéyo amérika-xitay diplomatik munasiwet ornatqan 1979-yildin béri teywenning xitayning bir qismi emeslikini ashkara éytqan tunji amérika tashqi ishlar ministiridur.

Mayk pompéyo bu sözlerni prézidént tramp 12-noyabir memuriy buyruq chüshürüp, amérikaliqlarning xitay azadliq armiyesi bilen alaqisi bar xitay shirketlirige meblegh sélishini chekligen küni éytqan. Prézidént trampning buyruqida amérikaliqlarning xu'awéy, xitay köchme téléfon shirkiti, xitay téléfon alaqe shirkiti, xeykang téxnologiye shirkiti, xitay tömüryol qurulushi qatarliq 31 shirketke meblesh sélishi cheklen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.