Mayk pompéyo yawropa ittipaqining kishilik hoquq jazasi heqqidiki layihesini alqishlidi

Muxbirimiz eziz
2020-12-08
Share

Yawropa ittipaqining dunya miqyasidiki kishilik hoquq depsendichilikini jazalashni bash nishan qilghan yéngi layihisi her sahening, jümlidin amérika tashqi ishlar ministiri mayk pompéyoning qizghin alqishigha érishti. U amérika tashqi ishlar ministirliqining tor bétide élan qilghan bayanatida "Xelq'ara kishilik hoquq xatire künide yawropa ittipaqining bu layiheni qobul qilghanliqi bösüsh xaraktérlik bir qedem. Bu nöwettiki kishilik hoquqni qoghdash herikitige yéngi küch qoshidu" dédi.

Mayk pompéyoning körsitishiche, yawropa ittipaqining bu qararni élishi öz nöwitide yene herqaysi eza döletlerni kishilik hoquq depsendichiliki bilen meshghul bolghan döletlerni jawabkarliqqa tartish imkaniyitige ige qilidiken. Téximu muhimi nöwettiki amérika, kanada we en'gliye ijra qiliwatqan kishilik hoquq depsendichilirini chekleshke yéngi küch qoshidighan bolup, bu sahediki dunyawi birliksepning hasil bolushida zor ehmiyetke ige iken. Shunga maykil pompéyo yawropa ittipaqini tézrek bu heqtiki axirqi qararni élishqa dewet qildi.

U özining tiwéttir bétidimu bu heqte melumat bérip nöwette xitay, birma, shimaliy koréye qatarliq diktatora döletlerning "Xelq'ara diniy erkinlik qanun layihesi" ge xilap halda diniy heqlerni ayaq-asti qiliwatqanliqini eyiblidi. Shuningdek téximu köp döletlerning bu sepke qoshulushigha teshna ikenlikini bildürdi.

Amérika tashqi ishlar ministirliqi Uyghurlarning kishilik hoquqlirining ayaq-asti bolush mesilisige yéqindin köngül bölüwatqan bolup, téxi yéqinda özlirining tor bétide mexsus Uyghurlardiki kishilik hoquq depsendichilikige munasiwetlik barche uchurlarni bir yerge toplighan idi. Ün-sin matériyalliri bilen béyitilghan bu tarmaq bette Uyghurlarning béshigha qandaq künlerning kéliwatqanliqi tolimu janliq teswirlen'gen bolup, Uyghurlarning ehwali eng tepsiliy we mukemmel bayan qilin'ghan tor béti, dep qaralmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet