Mayk pompéyo Uyghurlar mesiliside xitayni yene bir qétim keskin eyiblidi

Amérika tashqi ishlar ministiri mayk pompéyo yene bir qétim xitay hökümitini keskin tenqidlep, ularning Uyghurlardiki barliq diniy étiqad erkinlikini chekligenlikini, shuningdek milyonlarche Uyghurni lagérlargha qamighanliqini "Natsistlarning eyni waqitta yehudiylarni qirghin qilghanliqigha oxshash qilmish" dédi.

U bu sözni 14-dékabirda ötküzülgen "Oyghan amérika" témisidiki téléwiziye ziyaritide qilghan bolup, xitay hökümitining milyonlarche Uyghurni lagérgha qamishi élip kelgen ijtima'iy weyranchiliqni 1930-yillardin buyan dunya körüp baqmighanliqini alahide tekitligen. Shuningdek xitay hökümitining wirusni bahane qilip Uyghurlardiki diniy étiqad ziyankeshlikini yuquri pellige chiqarghanliqini yene bir qétim eskertken.

Melum bolushiche, tashqi ishlar ministiri mayk pompéyo Uyghurlar mesiliside xitay hökümitini izchil we eng keskin ibariler bilen tenqidlep kelgen eng yuquri derijilik hökümet emeldarlirining biri bolup, uning tenqidliri xelq'aradiki Uyghurlarni qollash chaqiriqining zor tesir qozghishigha seweb bolmaqtiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar