Uyghurlar mesilisi amérika prézidént saylimida riqabetchiler diqqet qilidighan mesilige aylandi

Muxbirimiz jewlan
2020.09.02

“Hindistan waqti” torining 2-séntebir bergen xewiride éytilishiche, Uyghurlar mesilisi amérika prézidént saylimida jumhuriyetchiler bilen démokratlar ortaq diqqet qilidighan mesilige aylan'ghan. Aldinqi hepte amérikadiki démokratlar partiyesi namzati jow baydinning bayanatchisi xitayning Uyghurlargha qaratqan jinayitini “Irqiy qirghinchiliq” dep atighan we jow baydinning buninggha qet'iy qarshi turidighanliqini bildürgen hemde tramp hökümitining Uyghurlar mesilisige yéterlik köngül bölmigenlikini tenqidligenidi.

Xewerde bildürülüshiche, amérika prézidénti donald tramp gerche xitayni korona wirusi apitini pütün dunyagha yamritiwetti dep eyibligen hemde u wirusni “Xitay wirusi” dep atighan bolsimu xitay bilen soda kélishimi tüzüshtin waz kechmigen, emma kichikkine soda kélishimidin kéyin amérika-xitay munasiwiti yene yamanlashqan. Jow baydin bu pursette köprek qollashqa érishken.

Xewerde yene xitayning korona wirusi mezgilidimu Uyghurlargha yürgüzüwatqan zulum we basturushni toxtatmighanliqi, chet'eldiki Uyghurlar we bashqa musulman teshkilatlirining b d t we bashqa xelq'ara teshkilatlargha bu jinayetni “Irqi qirghinchiliq” dep békitip, u yerge tekshürüsh ömiki ewetishini telep qilghanliqi tilgha élin'ghan. Andin xitayning “Jandost qérindishi” pakistanning xitayning bu jinayitige süküt qiliwatqanliqi alahide eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.