Австралийәдә “уйғур лоңқиси” ни талишиш путбол мусабиқиси өткүзүлгән
2016.12.24
Австралийә муһаҗирәттики уйғур җамаити көпрәк олтурақлашқан дөләтләрниң бири. Бу әлгә 1970-йилларниң ахирилиридин буян түрлүк сәвәбләр билән вәтәнни тәрк әткән бир қисим уйғур вә башқа қериндаш түркий хәлқләр көчүп келип, тәдриҗий һалда өз җамаитини һасил қилған.
Игилинишичә, австралийәдики уйғур җамаити өзлири қуруп чиққан тәшкилатлириниң йетәкчиликидә муһаҗирәттики уйғур дәваси вә өзлириниң җамаәтлик ишлири үчүн паал һәрикәтләрдә болуп кәлмәктикән.
Австралийәдики уйғурлар яш әвладларниң мәдәнийәт вә тәнтәрбийә паалийәтлирини җанландуруш, уйғур миллий кимликини күчәйтиш мәқситидә 2006-йилидин буян “уйғур лоңқиси” ни талишиш путбол мусабиқисини уюштуруп кәлгән.
Бу йиллиқ “уйғур лоңқиси” ни талишиш путбол мусабиқиси 12-айниң 24-күни австралийәниң мелборн шәһиридә башланған болуп, мусабиқигә сидней, мелборн вә аделайдтики уйғур яш-өсмүрлиридин тәшкилләнгән 3 команда қатнашқан. Мусабиқә 25-декабир күни ахирлишидикән.
Австралийә уйғур җәмийитиниң рәиси мәмтимин әланиң илгири сүришичә, уйғур яшлириниң өз-ара чүшинишини мәқсәт қилған “уйғур лоңқиси” ни талишиш путбол мусабиқиси австралийәдики уйғур җамаитиниң иҗтимаий һаятидики муһим бир сәһипә болуп кәлмәктикән.
Көп көрүлгән хәвәрләр
RFA
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Хитайға қайтурулған уйғурларни “йоқлаш” қа маңған тайланд вәкилләр өмики агаһландурулди
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”
- “шинҗаң вәкиллири” “дөләт ортақ тил-йезиқи қануни” ға өзгәртиш киргүзмәкчи
- Ақсуда розидарларниң розисини бузуш яки роза тутушқа имкан қоймаслиқ үчүн аһалиләр мәҗбурий әмгәккә селинған