Путин алмасбек атамбайефқа орден тәқдим қилди

Мухбиримиз үмидвар
2016-09-18
Share


Русийә президенти владимир путин қирғизистан президенти алмасбек атамбайефниң русийә билән қирғизистан арисидики өзара ишәнчилик вә көп пиланлиқ истратегийилик һәмкарлиқ мунасивитини мустәһкәмләшкә қошқан төһписи үчүн уни русийиниң алий «александир невский ордени» билән мукапатлиған.

Шәнбә күни путин өз қоли билән мәзкур орденни қирғизистанниң бишкәк шәһири йенидики президент сарийи аларчида атамбайефқа тәқдим қилған.

16 - Сентәбир күни бишкәктә қирғизистанниң саһибханлиқида мустәқил дөләтләр һәмдостлуқи қурулғанлиқиниң 25 йиллиқ хатирә йиғини өткүзүлгән болуп, мәзкур мурасимға пәқәт русийә, қирғизистан, таҗикистан, беларусийә, азәрбәйҗан, әрминийә қатарлиқ 6 дөләт алий рәһбири кәлгән, башқа дөләтләр болса баш министир дәриҗилик вәкиллирини әвәткән иди. Нөвәттә, совет иттипақи йимирилгәндин кейин қурулған мустәқил дөләтләр һәмдостлуқиниң ролиниң барғансери тарийиватқанлиқи тәһлил қилинмақта. Путин бишкәккә икки күнлүк зиярәт билән кәлгән иди.

Һазир қирғизистанниң русийәниң оттура асия районидики әң муһим иттипақчиси икәнлики мәлум. Бишкәк шәһири йенидики кант районида русийә һава армийиси базиси өз паалийитини давамлаштурматқа.

Қирғизистан йәнә,хитай биләнму көп тәрәплимилик вә зич һәмкарлиқни давалаштуриватқан болуп, улар арисидики мунасивәттә сода - иқтисадий һәмкарлиқниң муһим салмақни игиләйдиғанлиқи билдүрүлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт