Putin almasbék atambayéfqa ordén teqdim qildi

Muxbirimiz ümidwar
2016-09-18
Élxet
Pikir
Share
Print


Rusiye prézidénti wladimir putin qirghizistan prézidénti almasbék atambayéfning rusiye bilen qirghizistan arisidiki öz'ara ishenchilik we köp pilanliq istratégiyilik hemkarliq munasiwitini mustehkemleshke qoshqan töhpisi üchün uni rusiyining aliy "Aléksandir néwskiy ordéni" bilen mukapatlighan.

Shenbe küni putin öz qoli bilen mezkur ordénni qirghizistanning bishkek shehiri yénidiki prézidént sariyi alarchida atambayéfqa teqdim qilghan.

16 - Séntebir küni bishkekte qirghizistanning sahibxanliqida musteqil döletler hemdostluqi qurulghanliqining 25 yilliq xatire yighini ötküzülgen bolup, mezkur murasimgha peqet rusiye, qirghizistan, tajikistan, bélarusiye, azerbeyjan, erminiye qatarliq 6 dölet aliy rehbiri kelgen, bashqa döletler bolsa bash ministir derijilik wekillirini ewetken idi. Nöwette, sowét ittipaqi yimirilgendin kéyin qurulghan musteqil döletler hemdostluqining rolining barghanséri tariyiwatqanliqi tehlil qilinmaqta. Putin bishkekke ikki künlük ziyaret bilen kelgen idi.

Hazir qirghizistanning rusiyening ottura asiya rayonidiki eng muhim ittipaqchisi ikenliki melum. Bishkek shehiri yénidiki kant rayonida rusiye hawa armiyisi bazisi öz pa'aliyitini dawamlashturmatqa.

Qirghizistan yene,xitay bilenmu köp tereplimilik we zich hemkarliqni dawalashturiwatqan bolup, ular arisidiki munasiwette soda - iqtisadiy hemkarliqning muhim salmaqni igileydighanliqi bildürülmekte.

Toluq bet