Ju xeylün qaghiliq nahiyisidiki diniy zatlar bilen uchrashti

Muxbirimiz ümidwar
2017.03.26
Share on WhatsApp
Share on WhatsApp


Uyghur aptonom rayonluq partkomning mu'awin sékrétari, siyasiy qanun komitétining sékrétari ju xeylün 25-mart küni Uyghur diyarining jenubidiki tinchsiz nahiyelerning biri dep qarilip kéliwatqan qaghiliq nahiyisige bérip, bu yerdiki islam dini zatliri bilen uchriship söhbetleshken.

Tengritagh torining uchuridin melum bolushiche,ju xeylün qaghiliq nahiyisidiki islam dini zatlirining xitay dölet re'is shi jinpingning pütün memliketlik dini xizmet yighinida sözligen sözining rohini öginish ümidini bildürgen.

U sözide dini zatlardin, “Islam dinining wetenperwerlik, tinchliq, ittipaqliq we yaxshiliq qatarliq dini eqidilirini toluq sherhlesh arqiliq, ammini toghra ishinish we toghra herikette bolushqa, ottura yolda ching turup, esebiylikke qarshi turushqa we "üch xil küch"lerge qarshi özlükidin küresh qilishqa yéteklesh”ni telep qilghan shuningdek yene dini zatlarning bashlamchiliq bilen “Partiyining diniy xizmet siyasitini emeliyleshtürüsh we dini xizmet qanun-mizanlirigha qet'iy boysunushi”ni tekitligen.

Uyghur aptonom rayonining siyasiy we ijtima'iy muqimliq ishlirigha mes'ul emeldari ju xeylün bir aydin buyan Uyghur diyarining jenubidiki qeshqer wilayitining qeshqer shehiri, yeken, yopurgha we bashqa nahiyeliri hem qizilsuning atush, aqtu qatarliq jaylirida mexsus muqimliq xizmetlirini tekshürüsh we orunlashturush ishliri bilen meshghul bolghan bolup, u bu qétimqi nishanini qaghiliqqa qaratqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.