Qaramay-maytagh yolida qatnash weqesi yüz bérip, maybak aptomobilidin zeherlik madda chiqip ketken

Muxbirimiz erkin
2016-12-16
Share

Qaramay-maytagh yolida zenjirsiman qatnash weqesi yüz bérip, weqede hadisige uchrighan bir maybak aptomobilidin zeherlik suyuqluq chiqip ketken. Xewerlerdin melum bolushiche, maybak aptomobili az kem 32 tonna éghirliqidiki, bénzin'gha qoshidighan bir xil zeherlik suyuqluq qachilap maytagh terepke kétiwatqan iken.

Xitay axbarat wasitiliride, weqening lyenyün'gang-qorghas tash yolining qaramay-maytagh bölikide yüz bergenliki xewer qilindi. "Junggo axbarat tori" ning 15‏-dékabir bergen xewiride ilgiri sürüshiche, qatnash weqesi 14‏-dékabir kech sa'etlerde yüz bergen. Weqege hawani tuman qaplap, tash yollarni muz tutup kétishi seweb bolghan. Xewerde qayt qilishiche, maybak aptomobili jiddiy tormuz tutqan bolsimu, emma aldiki aptomobil bilen bolghan ariliqi bek yéqin bolghachqa, uning quyruqigha kélip soqulghan. Weqede maybak téshilip kétip, zeherlik suyuqluq chiqip ketken.

Xitay axbarat xewerliride bildürüshiche, shixenze ot öchürüsh tarmaqliri neq meydan'gha kélip, may baktiki zeherlik maddini bashqa aptomobilgha yötkigen hem burunqi may bakigha su qoyup bérip, uningdiki qalduq zeherlik suyuqluqni tazilighan. Emma xewerde, bu weqening muhit we etraptiki kishilerge körsetken tesiri tilgha élinmighan.

Mezkur bénzin xuruchi matorning yéqilghuni toluq köydürüp, uning xizmitini yaxshilishigha yardem qilsimu, emma u muhit we ademge intayin ziyanliq bir xil suyuqluqtur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet