Qaraqash nahiyeside nopusining 3 ten bir qismi dégüdek namrat iken

Muxbirimiz jüme
2016-07-06
Share

Shinxu'a axbaratining xewer qilishiche, xotenning qaraqash nahiyeside pütün nahiye nopusining 3 ten bir qismi dégüdek namrat iken.

Xewerge qarighanda, pütün nahiyening omumiy nopusi 580 ming bolup, bularning ichide namratlarning sani 150 minggha yétidiken.

Uyghurlar omum nopusning 97 pirsentini teshkil qilidighan mezkur nahiyediki térilghu yer her bir adem béshigha aran bir modin toghra kélidiken.

Xewerde körsitishiche, xitay da'iriliri namratliqni qaraqashta atalmish diniy esebiyliking bash kötürüshige seweb bolghan amil dep qarighan.

Xewerde neqil qilishiche, qaraqashning ötken yili féwralda teyinligen nahiye sékrétari xé jün, saqchilarning qattiq heriket qollinishigha qarimay nahiye teweside guruh we mexpiy teshkilatlarning köplep qurulup esebiylikke yatidighan, térrorluq meshiqliri bilen teminleydighan uchurlarni keng tarqitidighan ehwallarning izchil körülüp turidighanliqini bildürgen.

Emma, xewerde bu teshkilatlar heqqide toluqlima melumatlar bérilmigen.

Ilgiriki xewerlerde da'irilerning qarashta "Déhqanlarning iqtisadiy kirimini ashurush" dégen namda derexlerni köplep késip, ornigha méwilik derex  tikkenliki, buning yerlik déhqanlarni narazi qilghanliqi we derexler késilse nahiyide térilghu yerlerning qumlishish xewpini kücheytiwétidighanliqi ilgiri sürülgen idi.

Halbuki shinxu'a axbaratida, "Qarash déhqanlirining yerdin bashqa kirim menbesi yoqluqi" éniq körsitilgen bolsimu, emma da'irilerning térilghu yerlerni qoghdashqa alaqidar qandaq tedbirlerni alghanliqi sherhlenmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet