Qazaqistan Uyghurliri özlirining ikki ataqliq sen'etkarini hörmetlidi

Muxbirimiz ümidwar
2016-07-31
Élxet
Pikir
Share
Print


Ötken hepte, qazaqistan Uyghurliri özlirining ikki meshhur sen'etkari, nurbüwi memetowa we gulwire raziyéwaning 80 yashqa kirgenliki hem ularning Uyghur sen'itige qoshqan töhpisini xatirilidi.

Ottura asiyadiki Uyghur sen'itige a'it perwaz toridiki xewerdin melum bolushiche, 27 - iyul küni qazaqistanning kona paytexti almuta shehiridiki jumhuriyetlik Uyghur tiyatirida qazaqistan jumhuriyitining xelq artisi dégen aliy namgha sazawer bolghan pütün qazaqistanni öz ichige alghan ottura asiya jumhuriyetlirige tonulghan nurbüwi memetowaning 80 yashliq xatire pa'aliyiti ötküzülüp, uning ijadiy pa'aliyetlirige yuqiri hörmet bildürülgen. Pa'aliyette nurbüwi memetowa uzun yillar xizmet qilghan Uyghur tiyatiri tarmiqidiki < nawa"naxsha - muzika ansambili, bilen usul guruppisi"Ruxsari" ning artisliri nurbüwining naxshilirini orundighan nurbüwi memetowa asasliqi Uyghur xelq naxshiliri, milliy uslubtiki naxshilarni éytip dang chiqarghan.

"Uyghur awazi"gézitining xewer qilishiche aldinqi jüme küni nurbüwi memetowa bilen oxshash qazaqistanda naxsha saheside shöhret qazan'ghan töhpikar naxshichisi gülwire tursun qizi raziyéwaning 80 yilliq murasimi almuta shehiridiki dostluq sariyida ötküzülgen bolup, murasimgha almuta sheherlik hökümiti, qazaqistan parlaménti we milletler kéngishining wekilliri qatniship, hökümet namidin uning qazaqistan sen'itige qoshqan töhpisini teqdirligen.

Nurbüwi memetowa we gülwire raziyéwalarning naxshiliri - 1980 - 1960yillarda tashkent radi'o dolqunliri arqiliq Uyghur diyardiki Uyghurlarghimu yaxshi tonushluq bolghan idi.

Ottura asiyadiki qazaqistan we özbékistanda 20 - esirning 30 - yilliridila Uyghur tiyatirliri qurulup, köpligen Uyghur sen'etkarlar tashkent we almatada pa'aliyet qilghan idi. Meshhur Uyghur kompozitori quddus ghojamyarof namidiki qazaqistan jumhuriyetlik Uyghur tiyatiri nöwette ottura asiya rayonidiki birdinbir kespiy Uyghur muzika, usul we drama tiyatiridur.

Toluq bet