Qazaqistanning soti mirzaqamaqtiki sérikjan bilash'oghlining erzini ret qildi

Muxbirimiz erkin
2019-06-14
Élxet
Pikir
Share
Print

Qazaqistan paytexti nursultandiki bir ottura sot mehkimisi 14‏-iyun küni yépiq sot échip, qazaqistandiki kishilik hoquq pa'aliyetchisi, "Atayurt pida'iyliri" teshkilatining rehbiri sérikjan bilash'oghlining mirzaqamaqni uzartqanliqigha naraziliq bildürüp qilghan erzini ret qilghan.

Weqedin xewerdar kishilerning radiyomizgha bildürüshiche, sot mehkimisi erzini ret qilip, sotning mirzaqamaqni 10‏-iyulgha qeder uzartish toghrisidiki qararini saqlap qalghan.

Qazaqistan paytextidiki bir yerlik sot mehkimisi yéqinda bilash'oghligha mirza qamaqni yene bir ay uzartishqa buyrughan. Bu qazaqistan edliye tarmaqlirining uni dawamliq mirzaqamaqta tutup turushni 2‏-qétim uzartishi idi. Sérikjan bilash'oghlining qazaqistanda "Atayurt pida'iyliri" teshkilati qurup, Uyghur rayonidiki qazaqlarning kishilik hoquqni, lagérdiki qazaq we Uyghur tutqunlarning qoyup bérilishini telep qilishi, xitay da'irilirini we qazaqistan hökümitini qattiq bi'aram qilip kelgen. U bu yil 3‏-ayda almutada tutqun qilinip, paytext nursultan'gha élip kétilgen. Da'iriler uni "Étnik öchmenlikke qutratquluq qilish" bilen eyibligen idi. Lékin uning adwokati ayman ömerowaning yéqinda radiyomizgha nöwette qazaqistan teptish da'irilirining uni kishilerni xitaygha qarshi "Jihat" qa chaqirish bilen eyibleshke teyyarliq qiliwatqanliqini bildürgen. Ayman ömerowaning ilgiri sürüshiche, sérikjan bilash'oghli bu yil 2‏-ayda almutadiki bir résturantta nutuq sözlep, kishilerni ijtima'iy taratqularda xitaygha qarshi "Axbarat jihadi" élip bérishqa chaqirghaniken.

Ayman ömerowa, bilash'oghlining "Jihat" qa chaqirghanliqini ret qilip, uning "Axbarat jihati" dégen sözni "Axbarat kürishi" dégen menide ishletkenlikini bildürgenidi. Weqedin xewerdar kishilerning radiyomizgha bildürüshiche, 14‏-iyun échilghan sotqa bilash'oghlining qollighuchiliridin 200 dek adem qatnishishni telep qilghan bolsimu, lékin da'iriler ularning sotqa qatnishishini ret qilghan. Buningdin narazi bolghan kishiler sot mehkimisining aldida axbarat yighini ötküzüp, bilash'oghlini qollaydighanliqi, qazaqistan da'irilirige bolghan naraziliqini ipadiligen.

Pikirler (0)
Share
Toluq bet