Қазақистан уйғур яшлири арисида уйғур миллий әнәнисигә мунасивәтлик паалийәтләр җанланмақта

Мухбиримиз үмидвар
2016-12-18
Share


Чәтәлләрдики уйғур аһалисиниң әң көп қисми җайлашқан қазақистан җумһурийитидики уйғур яшлири арисида йеқинқи вақитлардин буян уйғур миллий доппилирини кийип, түрлүк мурасимларға қатнишиш қизғинлиқи қозғалған.

Бу җәһәттә бир топ уйғур яшлири тәшкиллигән "doppalife.com" интернет тор гурупписи алаһидә рол ойнаватқан болуп, мәзкур гуруппа өзлириниң "doppalife.com" намлиқ универсал тор бети арқилиқ рус вә уйғур тиллирида түрлүк мәзмундики хәвәр, тарих, мәдәнийәт, вә башқа темиларда әсәрләрни елан қилғандин сирт йәнә мәхсус түрдә "доппиңиздин өргиләй"дегән мавзуда яшлар мәдәнийәт паалийәтлириниму җанландурмақта.

Қазақистанда уйғур тилида чиқидиған "уйғур авази" гезитиниң хәвәр қилишичә, мәзкур тор гурупписи йеқинда қазақистанниң уйғурлар көп олтурақлашқан яркәнт шәһиригә берип, у йәрдә мәхсус "доппиңиздин өргиләй"намлиқ кәчлик мәдәнийәт паалийити уюштурған. Буниңға бу җайдики уйғур яшлири қатнашқандин сирт йәнә алмута вә яркәнттики тонулған уйғур нахшилири вә музикантлириму иштирак қилип, уйғур миллий нахша-музикилирини орундиған, яшлар мурасимға уйғур доппилирини кийишип қатнашқан.

Оттура асия уйғурлириниң "пәрваз"вә "доппалайиф" қатарлиқ тор сәһипилирдин мәлум болушчә, мундақ "доппиңиздин өргиләй" паалийити алматадиму өткүзүлгән болуп, уйғур яшлири милли доппилирини кийишип, уйғурчә усулларни ойнап вә уйғурчә сөзлишип,өз мәдәнийитигә болған һөрмәт туйғусини ипадә қилишқан.

Қазақистан һөкүмәт санлиқ мәлуматлири бойичә қазақистанда 240миңдин дин артуқ уйғур яшайду, әмма уйғурлар өзлири бу сандин көп икәнликини ейтишиду., уйғурлар асаслиқи алмата, яркәнт, чөнҗә, челәк вә башқа чоң кичик шәһәр һәм йезиларға җайлашқан.Мутәхәсисиләрниң ейтишичә, сабиқ совет дәвридин қалған рус тили вә мәдәнийитиниң тәсирлири уйғурлар арисида һазирму мәлум дәриҗидә сақланмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт