Qazaqistan Uyghur yashliri arisida Uyghur milliy en'enisige munasiwetlik pa'aliyetler janlanmaqta

Muxbirimiz ümidwar
2016-12-18
Share


Chet'ellerdiki Uyghur ahalisining eng köp qismi jaylashqan qazaqistan jumhuriyitidiki Uyghur yashliri arisida yéqinqi waqitlardin buyan Uyghur milliy doppilirini kiyip, türlük murasimlargha qatnishish qizghinliqi qozghalghan.

Bu jehette bir top Uyghur yashliri teshkilligen "doppalife.com" intérnét tor guruppisi alahide rol oynawatqan bolup, mezkur guruppa özlirining "doppalife.com" namliq uniwérsal tor béti arqiliq rus we Uyghur tillirida türlük mezmundiki xewer, tarix, medeniyet, we bashqa témilarda eserlerni élan qilghandin sirt yene mexsus türde "Doppingizdin örgiley"dégen mawzuda yashlar medeniyet pa'aliyetlirinimu janlandurmaqta.

Qazaqistanda Uyghur tilida chiqidighan "Uyghur awazi" gézitining xewer qilishiche, mezkur tor guruppisi yéqinda qazaqistanning Uyghurlar köp olturaqlashqan yarkent shehirige bérip, u yerde mexsus "Doppingizdin örgiley"namliq kechlik medeniyet pa'aliyiti uyushturghan. Buninggha bu jaydiki Uyghur yashliri qatnashqandin sirt yene almuta we yarkenttiki tonulghan Uyghur naxshiliri we muzikantlirimu ishtirak qilip, Uyghur milliy naxsha-muzikilirini orundighan, yashlar murasimgha Uyghur doppilirini kiyiship qatnashqan.

Ottura asiya Uyghurlirining "Perwaz"we "Doppalayif" qatarliq tor sehipilirdin melum bolushche, mundaq "Doppingizdin örgiley" pa'aliyiti almatadimu ötküzülgen bolup, Uyghur yashliri milli doppilirini kiyiship, Uyghurche usullarni oynap we Uyghurche sözliship,öz medeniyitige bolghan hörmet tuyghusini ipade qilishqan.

Qazaqistan hökümet sanliq melumatliri boyiche qazaqistanda 240mingdin din artuq Uyghur yashaydu, emma Uyghurlar özliri bu sandin köp ikenlikini éytishidu., Uyghurlar asasliqi almata, yarkent, chönje, chélek we bashqa chong kichik sheher hem yézilargha jaylashqan.Mutexesisilerning éytishiche, sabiq sowét dewridin qalghan rus tili we medeniyitining tesirliri Uyghurlar arisida hazirmu melum derijide saqlanmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet